關嘉敏晒親吻照宣布「結婚」新疆閃嫁成就解鎖 Matthew再戰《女神2》影響心情：冇再聯絡

更新時間：17:30 2026-09-23 HKT
發佈時間：17:30 2026-09-23 HKT

TVB上位小花關嘉敏（Carman）單身多年，本來在《女神配對計劃》完結後，與求愛勇者黃家俊（Matthew）曾被《東周刊》直擊二人恩愛放狗，Matthew更以「黃關嘉敏」蛋糕為她慶生，可惜關嘉敏最後感嘆雙方關係「拖得太耐」，認為分開或維持朋友關係是最好的結果。但昨日（22日）關嘉敏突然在IG宣布：「我結婚了！」

關嘉敏異性緣相當旺盛

關嘉敏早前去了新疆旅遊，想不到關嘉敏的異性緣相當旺盛，在新疆期間有艷遇，昨日她貼上與「老公」的合照並說：「第一日問我可唔可以做女朋友，第二日叫我老婆，然後順便渡蜜月旅行，一星期完成左一半嘅人生，而佢只係得五歲，成就解鎖，第一次擁有五歲嘅老公。#佢都係我童公喎」

關嘉敏曾獲連鎖酒店老闆熱烈追求

關嘉敏今次新疆之旅異性緣極旺，期間遇上多段艷遇，關嘉敏曾笑言當地男士樣貌似混血兒且態度親切，試過在當地買衫時向「靚仔老闆」撒嬌講價，成功獲大折扣兼大送禮品，事後才驚悉對方竟是「舖王」，坐擁整條街的物業，被團友戲稱有機會做「老闆娘」。除舖王外，關嘉敏更獲當地一名40多歲的連鎖酒店老闆熱烈追求，對方不僅每日「早安晚安」貼心問候，甚至專程搭飛機回北疆請食飯，席間更暗中偷拍她。雖然對方攻勢猛烈，但關嘉敏坦言對異地戀大感抗拒，加上回港後對方中秋問候後便「已讀不回」，戀情似乎無疾而終。

關嘉敏與Matthew海選後冇聯絡

對於Matthew捲土重來再戰《女神2》，不過他曾稱：「上一季我學識咗，兩個人相處唔可以好似AI咁理性。今季我會用最坦誠嘅一面同大家互相認識。咁我覺得好多時係一個two-way connection，咁我覺得今季我希望我可以有機會成功啦，會揀返一個唔係真係咁大情大性嘅人。」結果Matthew被女神和花生團直斥唔尊重，關嘉敏坦言事前完全不知情，「佢完全冇同我講過，但佢間唔時會喺網上平台問監製，話『我想參加』，我一直以為佢開玩笑。」關嘉敏又稱面試看見對方出現在面前時，除了感驚訝外，更不諱言不開心：「我覺得上年係好真誠、好真實㗎嘛，到今年突然間喺我面前出現，我會喺度諗佢諗緊啲咩呢？所以海選之後我哋都冇聯絡，原來係我自作多情。」