梁詠琪自爆變靚原因 認出道時未執好個樣：整咗兩樣 揭結識老公靠一女星把關丨一周星星
發佈時間：14:30 2026-10-05 HKT
梁詠琪（Gigi）將於今年11月再踏紅館舉行《梁詠琪 LOVE GiGi愛自己世界巡迴演唱會—香港站》，最近頻頻現身為演唱會進行宣傳。昨晚（4日）播出的TVB節目《一周星星》，梁詠琪接受主持許文軒訪問，毫無包袱地分享入行初期的「變靚」過程、與西班牙籍老公Sergio的相識經過，以及誕下女兒後曾一度腫得似氣球的經歷。
梁詠琪大方承認「整咗兩樣」
梁詠琪入行30年，外表十年如一日凍齡。許文軒在訪問中發現梁詠琪臉上缺少了初入行時的癦，梁詠琪聞言隨即大笑，驚嘆許文軒的觀察力強，並大方承認：「我有脫過癦，不過佢生返出嚟，但冇咁深色。嗰時公司呢會帶我去箍牙同脫癦。因為我啱啱出道係乜都未執，即係一個學生傻下傻下，咁話『有癦脫咗佢、乾淨啲，牙又箍下』，係整咗呢兩樣啫。」
相關閱讀：梁詠琪「學霸」女兒祈淑菲精通三文四語 身高到達爸爸耳邊擁一雙長腿 GiGi不反對囡囡入行
梁詠琪獨遊西班牙邂逅老公Sergio
梁詠琪提到老公及女兒時，甜笑分享與西班牙籍老公Sergio 的浪漫邂逅與相處點滴。梁詠琪回憶起當初開完演唱會放假，想找人陪自己去旅行卻碰壁，最終決定獨遊從未去過的西班牙，並在朋友介紹下，認識了Sergio。梁詠琪坦言當時兩人喝一杯酒、聊聊天，就覺得老公非常真誠，加上對方夠高，與自己的身高非常匹配，因而留下極佳的第一印象。
梁詠琪直言：「佢又好高啦，你知啲高妹好難識到好高嘅男仔，我對佢嘅印象幾好。之後我哋再相處咗兩天，佢帶我去玩，我就覺得好似真係呢個人喎，好係呀！（認識）幾日，我又唔係好肯定，但又好似係（真命天子）喎，要搵多個人幫我望吓先得。」最終梁詠琪急召閨密許茹芸幫忙把關，而當時她心裡其實已篤定Sergio就是她的真命天子。
相關閱讀：梁詠琪激罕晒與龍鳳胎弟弟合照慶祝50歲生日 高顏值細佬撞樣年輕版鍾鎮濤
梁詠琪受老公正能量感染 成功轉變心態
梁詠琪婚後與老公Sergio返港，初次以夫妻身份面對傳媒時，坦言曾因被追訪而感到非常焦慮。在步出機場前，她甚至緊張地跟老公表示不要有親密舉動，深怕媒體會亂寫。但Sergio卻令梁詠琪有所改變：「我記得行出去之前，佢好輕描淡寫咁望住我雙眼，好真誠咁樣同我講，叫我微笑。」梁詠琪當時才戰戰兢兢地讓大家拍照，然後上車。
梁詠琪與Sergio婚後曾多次被傳媒追訪、偷拍。梁詠琪舉例，以前吃飯時被拍會想逃避離開，但老公卻釋放出滿滿的正能量：「佢會捉住我隻手，好成熟同我分析：我哋結咗婚，我哋係夫妻，我哋食飯，就算俾人影到，只要係相處愉快，釋放一個好正面嘅Energy（能量），係唔會寫得唔好㗎！」漸漸地，梁詠琪發現報導確實不錯，情況有所改善，從而令她心態大轉變。
梁詠琪又提到自己並非一成不變，在生完女兒後，曾經歷人生中身形最「圓潤」的時期。當時因為餵母乳，整個人水腫得厲害，笑言自己腫得像個氣球一樣。
相關閱讀：梁詠琪孖生細佬罕現身！任職房屋署結構工程師 兒時與姊感情不睦一原因拒同框？
