璀璨之城丨陳瀅全裸「腿張開」晒蜜桃臀竟惹AI疑雲張智霖床戲加料網民嗌「尷尬」

更新時間：12:10 2026-10-16 HKT
發佈時間：12:10 2026-10-16 HKT

TVB台慶劇《璀璨之城》劇情掀起熱話，官孝賢（張智霖飾）與官孝君（吳卓羲飾）兩兄弟為家族接班人爭奪戰仍未正式展開，一幕又一幕的挑情戲，搶先跑出成為熱話！繼張智霖與陳曉華「壁咚」並伸手入裙底的一分鐘肉搏戲碼後，昨晚（15日）陳瀅與張智霖上演「腿張開」一幕，再度引起話題。飾演女記者霍佩樺Sarah的陳瀅為了與張智霖達成純粹的利益合作，不惜主動上演一幕極致大膽的「全裸誘惑」，大方展現身材任影唔嬲，火辣指數爆表，挑戰電視尺度，不過陳瀅的破格演出卻惹來AI疑雲。

陳曉華死亡USB引爆陳瀅寬衣戲碼

劇情講述陳曉華在死前，將錄有張智霖所有犯罪證據、黑材料及語音的USB寄出，引爆一場與舊愛玉石俱焚的「死亡USB遊戲」，但原來陳曉華已率先將存有黑材料的手機寄給陳瀅。疑心極重的張智霖得悉後試探陳瀅，陳瀅為了與張智霖達成利益交易，於陳曉華的家中見面時先交出手機並直接寬衣解帶。她先當面褪去外衣與牛仔褲，鏡頭先close up（特寫）她的臀部，接著僅穿黑色透視喱士內衣褲示人，隨後坐在床上除下黑色透視喱士內褲，繼而解開胸罩背扣，將身上衣物全數脫光。

陳瀅自爆太緊張差點連底褲都除埋

首次挑戰大膽除衫戲，陳瀅坦言現場緊張萬分，更爆出拍攝時的驚險趣事：「拍第一個 Take 時因為太緊張，除褲時條底褲黐住咗，差啲一嘢成條除晒！嚇到攝影師哥哥大嗌慢慢嚟！」陳瀅又稱收到劇本已經很喜歡這場：「監製話放心好簡單，一個back shot（背影）上半身除衫露個背就得，但係我覺得呢場戲唔係sell性感，所以可以拍得大膽同深入啲，出嚟效果會更好。我為咗呢場戲，用咗9個月時間增肌減脂，不斷做gym，主打練下半身不停練patpat（臀部），本來我一直都冇乜自律做gym ，但係因為呢個角色，令我養成咗健康嘅生活習慣。」談到與張智霖首度合作，陳瀅大讚對方非常有默契，更爆料指辦公室挑逗那一幕，其實是 Chilam 嫌劇本不夠張力而親自「加料」大改劇本，加入了更多曖昧的挑逗互動，才成功營造出這幕張力十足的化學反應。

網民質疑陳瀅大尺度演出有AI嫌疑

陳瀅今次的演出在網上引來兩極化反應，有人讚陳瀅的演技大躍進：「今集mvp一定係陳瀅。」、「陳瀅今晚特別靚。」、「陳瀅氣質脫俗獨特絕靚爆鏡。」、「可以喎！陳瀅好過陳曉華。」不過亦有人覺得張智霖拎手機多角度近距離拍攝，加上撥開雙腿一幕，令畫面充斥男性凝視，有矮化女性之嫌：「寫到女人只係識靠上床。」、「咸色之城！」、「拍電視啫駛唔駛呀？拍電影咪要用內窺鏡？」、「我都覺得係點解冇挑逗嘅成份，即使佢除晒啲內衣褲，我只係覺得好似阿婆除內衣咁，想點先？」、「呢個時段播啲咁嘅嘢，撞啱一家人食緊飯，有男有女大有細，非常尷尬！」還有人覺得整場戲有AI合成之嫌：「啲腳趾咁嘅？？？？（像AI生成的腳趾）」、「好AI味，如果係真嘅，就要檢討點解拍出嚟浸味咁假。」、「一定係，因為上身同下身係兩種色！深淺色好明顯！」、「明明陳瀅個身型都肥肥哋，除晒衫邊有咁靚。」