陳星妤水戰失控箍頸強撳陳若思落水被轟人格破產發文道歉網民唔收貨丨女神配對計劃2

更新時間：18:30 2026-11-02 HKT
發佈時間：18:30 2026-11-02 HKT

TVB戀愛真人騷《女神配對計劃2》昨晚（1日）播出的第9集，7位女神與求愛勇者移師主題公園大玩水上遊戲。本來她們身穿泳衣出戰，在鏡頭前動感十足、非常養眼，不過陳星妤與陳若思在水上「騎膊馬」遊戲中爆發激烈大混戰。陳星妤因表現過於「狼死」，雙手強行箍頸並將陳若思撳落水，導致對方頸部嚴重紅腫瘀傷，引發網民排山倒海的批評，怒轟她是「恐怖女神」。

陳星妤發文向陳若思致歉

在節目播出後，陳星妤在Threads發文向陳若思道歉：「睇返今次節目，我有認真反省。當時太投入比賽了，冇控制分寸同力度，心裏真係唔好受。Amber（陳若思），抱歉令你受傷了。見到你嘅瘀傷，我好自責，希望你快啲好返。」但網民依然不買帳，紛紛留言痛批：「其實點止Amber，兩次落場都係咁狼死，人哋跌咗落水都仲要撳人哋個頭落去，話晒大家都係同事，有必要咩？」、「當時你點會唔知，隔咗咁耐先道歉？」

陳若思力弱慘被撳落水

節目中一眾女神為了爭奪更換拍檔的權利進行水上大戰。首輪由身形嬌小的陳星妤對戰陳若思，兩人甫開戰便放下偶像包袱瘋狂拉扯，一度戰至表情失控。最初陳若思「戰狼」上身向陳星妤猛烈攻擊，陳星妤先把腰向後拗並企圖避開。之後陳若思開始力氣漸弱，陳星妤則發動主動攻擊，一手拉著陳若思的衣服再推她的臉，其後更出盡全力用手掐捏陳若思的頸部，企圖讓陳若思下水。雖然陳若思當時已經被推下水，但陳星妤仍然用力將陳若思撳落水。事後陳若思表示：「我全程只係諗住拉佢落嚟、將佢推落水，但佢實在太頑強喇！我點拉點推，佢都好似穩如泰山咁，完全拉唔到佢落水！」

吳兆麟在現場表示擔心陳若思，而與陳若思一同出戰的林子朗更直言：「因為當時喺水裡面睇唔到上面，只顧住唔可以放手，其實我好care（介意）Amber的安全問題。就算贏咗比賽，但如果整傷Amber，我會覺得好內疚。」而事件另一主角陳若思，至今未有對陳星妤的致歉留言作出任何表態。

陳若思頸現傷痕網民轟陳星妤輸品

陳若思上岸後被發現「成條頸紅晒」兼有瘀傷，大批網民隨即開PO炮轟陳星妤不顧對手安全、出手過分兇狠。有人直言：「報警傷人！有晒片有晒證據，有攻擊過程，有傷痕，成條頸傷晒，撳人個頭落水！大家幫手報警加投訴！大家商業合作唔好搵呢條女，cut佢廣告！」亦有人指出：「Amber已經落水，再撳入水就唔止是遊戲想贏啦。」、「無嘢呀你？今集之前已錄咗啦，到咗街睇完先話反省？」、「吓？你係咪嚟搞笑？而家道歉有咩用，今集之前已經錄完而家先say sorry，同埋如果你係真係驚整傷人，第二round就唔會繼續係咁啦！」、「贏比賽輸人品！點靚女都冇用，心地唔好！以前睇《一舞傾城》後喜歡你並開始留意你。但今次睇節目初期都覺得你有些粗魯，但真係估唔到玩遊戲比男仔仲狼死、好兇狠！在電視機面前表露無遺真性格，輸晒！」

陳星妤亦曾在陳若思的帖文下留言：「現在回看，當時確實太投入比賽了，也覺得有些地方可以做得更好。抱歉讓你受傷了Amber。」但網民對此說法並不買帳，留言反諷：「貓哭老鼠加此地無銀，越描越黑，得啖笑。」、「係令人對你好失望，Ice幫你勝出咗，佢只係想去Juju的組，你都唔做返個順水人情比人哋。你真係好唔識做人，好自私，只諗自己，難怪你圈中人緣差。完全睇得出點解？人品唔得，幾靚都冇用。」