曾志偉談電視大戰 HOY收視突破似「放煙花」：對TVB冇乜影響 建議各台策劃要長遠
發佈時間：22:22 2026-11-02 HKT
世界華商投資基金會主辦的「第十九屆世界傑出華人獎」頒獎典禮日前圓滿舉行，曾志偉獲頒「世界傑出華人奬」，並由好友成龍及譚詠麟同台頒獎兼合唱〈朋友〉見證榮耀。他受訪時被問及 HOY 處境劇《你的保安李寶安》對打 TVB 處境劇《愛．回家之三代同糖》掀起電視大戰，曾志偉坦言近日頻密出差未及收看，但得悉對手收視高開，身為 TVB 前總經理的他以過來人經驗剖析，指各台節目有突破是好事，但認為做電視節目要長遠策劃，直言單一節目有好成績對TVB就如「放煙花」。
曾志偉談HOY、ViuTV間歇性好收視
曾志偉得悉近日有電視大戰，表示樂見其他台有好收視：「其實喺TVB嚟講呢，其實對佢一部或者一齣劇、一個綜藝節目有幾高嘅收視，對打對佢嚟講係冇乜太影響嘅，因為係一個恒常做緊嘅嘢呢，我哋形容呢個係放煙花。咁其實如果無論HOY呀、Viu（ViuTV）呀，大家都需要一啲針對性或者各個都應該有一個長遠嘅計劃，係成年應該點樣去策劃，喺唔同嘅時段去做一個平衡呢，我覺得係會好啲嘅。如果間唔中爆一齣劇，其實贏輸一定都會有，咁要（長期）贏好難㗎，但係有一個收視嘅突破呢，呢個係恭喜嘅。」他認為其他電視台節目有好收視，正是代表其實每個台都有人看，只要節目做得好就有人支持，認為大家拍出觀眾想看的節目才是最重要。
相關閱讀：曾志偉現身飯局排場盡顯江湖地位 貼身保鑣護航拉櫈 獲最高級別招呼證地位超然
曾志偉論處境劇如電視送飯
面對外界熱議《愛．回家之三代同糖》與《你的保安李寶安》兩部處境劇，曾志偉從影視創作人初衷出發，直言好節目能讓全家人「電視送飯」，更是觀眾之福：「其實電視節目好睇，一定係觀眾之福。返到屋企喺飯枱成家人喺嗰個時間睇到一個好嘅節目，令到大家開心。另外一樣就係將資訊、將大家想了解嘅嘢去同大家分享。呢個係觀眾最想嘅嘢。」曾志偉更強調電視創作肩負社會責任與陪伴成長的意義：「觀眾其實睇節目除咗娛樂之外，佢更加想有啲嘢落袋，有啲嘢去明白。喺電視劇裏面呢，就係成家人齊齊睇嘅，小朋友睇到，點樣令到佢收到一啲正能量嘅訊息呢，令到對佢成長有幫助啦，呢啲等等都係我哋做一個電視人應該做嘅。」
相關閱讀：鄭希怡重提《歡樂滿東華》甩褲意外 伍詠薇為一事狠批曾志偉？ Yumiko：似畀全港人笑緊
曾志偉有意再為TVB拍攝《獎門人》
當被現場傳媒問及會否回巢 TVB「打和」及會否為其他電視台拍節目，曾志偉大方回應：「其實我依家一個自由人係冇問題嘅。只要有啱嘅節目，我都希望能夠同觀眾分享。」談到 TVB 明年即將迎來開台60周年，曾志偉更興奮預告有意在明年60周年台慶回歸王牌綜藝節目《超級無敵獎門人》：「一個甲子嚟講，係唔容易……一個電視台能夠做到60年，依然係一個領頭羊，一個收視最高嘅電視台。所以係一個值得好好慶祝嘅一件事。我都希望有機會能夠返嚟《獎門人》再做一次，無論係做一個13集呀，無論係做一個一個禮拜呀，做一集都好啦，我都希望同支持我嘅觀眾，再同大家見面！」
曾志偉現身飯局排場盡顯江湖地位？
