歐陽震華娶傅老榕孫女傅潔嫻被標籤「食軟飯」 認心態不平衡：未使過老婆一分錢
發佈時間：10:00 2026-11-09 HKT
歐陽震華近日接受資深傳媒人汪曼玲的 YouTube 頻道《快拍．曼鏡頭》訪問，大談與太太傅潔嫻結婚三十年的點滴。歐陽震華的太太傅潔嫻背景赫赫有名，她是澳門一代賭王傅老榕的孫女，家族資產估計高達百億。面對外界多年來貼上「入贅豪門」、「食軟飯」等標籤，歐陽震華在訪問中直言起初「心態真係好唔平衡」：「唉！我做得咁辛苦，我維持呢個家。有好多人講得好難聽嘅都有，話我軟飯王。」但他非常自豪地表示，自己婚後家庭的所有日常開支、買樓供樓、換車等全部都是由他一力承擔：「我無使過佢一分錢。」
歐陽震華改名轉運爆紅
回首入行初期，歐陽震華經歷了長達八年的跑龍套生涯：「嗰陣時《壹號皇庭》之前嗰啲都唔夠一萬蚊人工。」他原名「歐陽耀泉」，因名字中「耀」屬火而「泉」屬水，水火不容而星途暗淡，後來在好友吳鎮宇介紹下改名「歐陽震華」：「個算命大師話『一定要用呢個震啊！』坊間傳聞話『震，震走嗰啲華』，包括劉德華、黃日華，係個算命大師開玩笑嘅啫。佢話『你五行欠水，你用呢個震，即是地震個震。』算命師傅話：『佢哋唔走，我邊度有位上呢？』」沒想到改名後真的憑《壹號皇庭》一炮而紅，但真名卻在慈善版《百萬富翁》中意外曝光。到了 1996 年底，香港迎來移民潮，岳母曾貼心地向他提議：「佢（岳母）話：你驚唔驚呀？有咩事呢，我可以叫我個女（傅潔嫻）帶你走。』佢仲大讚我：『好少人而家咁勤力嘅』」。
相關閱讀：65歲歐陽震華家族喜迎新成員 晒百日宴照片自爆身份轉變 BB顯福相身上掛滿金器
歐陽震華出街飲酒不用「申請」
談到夫妻生活，外間常以為他娶了百億家族的名門之後，就是女尊男卑毫無自由，出街需要遞紙仔申請。歐陽震華隨即否認，大讚太太給予極高的自由度，自己去街、約朋友、同班兄弟食飯飲酒「從來都唔使同佢申請」。他認為這並非管束，而是互相尊重：「我去街未曾申請過一次。我老婆會話：『喂，唔好去咁夜啊，唔好飲咁醉啊。』咁我，我反而會早啲返添。你出去得，舒服嘛。你唔係鬧住交出去嘛。佢唔會好干涉我嘅私人生活、私人時間。呢樣好，你唔好咁過分就得啦。」
歐陽震華大脾氣太太以柔制剛
歐陽震華在訪問中分享了太太「以柔制剛」事件。有一次，他因電視遙控器沒電、自己脾氣又急：「都唔知點解，狂按狂按，個電視遙控零件電芯跌晒出嚟，分開幾截，當堂整爛咗」。當時太太不但完全沒有發脾氣，反而非常冷靜和溫柔地走過來，執起地上的遙控器零件，隨即說：「遙控壞咗無咁快買得番，呢兩三個禮拜轉台，唔該你幫我行去轉呀」，面對太太幽默話語令歐陽震華平熄怒火，直言那一刻自己心軟得無地自容，自此脾氣收斂了許多。
相關閱讀：歐陽震華憶赴美前夕突「生蛇」 面紅鼻腫現身《艾美獎》 臉留兩深洞磨皮爆血
