排公屋5年驚現神蹟 首派將軍澳尚德邨「鳳凰樓」大屋 網民酸爆疑凶宅 幸運兒「8字」霸氣回覆｜Juicy叮
發佈時間：10:36 2026-10-16 HKT
有港人昨天（15日）在網上報喜，指自己輪候公屋 5 年幾，首派即獲編配將軍澳尚德邨「鳳凰樓」靚屋，5 人家庭月租 4000 元便成功進駐，獲網民形容為「神蹟」。
由於上樓速度快，惹來部分人「酸爆」眼紅，甚至留言質疑單位「係咪凶宅」。面對種種冷言冷語，幸運兒簡單以「8字」霸氣回覆，一秒擊碎謠言。詳情見下圖及下文：
排公屋5年驚現神蹟 首派將軍澳尚德邨「鳳凰樓」大屋 網民酸爆疑凶宅 幸運兒「8字」霸氣回覆逐張睇↓↓↓↓
400幾呎單位5人居住 月租$4000
樓主昨天在社交平台 Facebook 群組「公屋討論區」發帖大曬成果，留言指「排咗5 年幾 首派將軍澳 尚德 鳳凰樓 向地鐵站方向 一下畢業」。
尚德邨有天橋直駁將軍澳港鐵站。消息一出，群組瞬間炸開了鍋。樓主隨後留言透露，該單位面積有「400 幾」呎，屬於「4-5」人單位，月租「4000」元。更讓人羨慕的是，單位位於大廈頂層對落一層的「鳳凰樓層」，不僅避開了頂樓漏水與暴曬缺點，更向正港鐵站方向，景觀開揚。
網民眼紅質疑 樓主「8字」神回
由於上樓速度快，不少苦候多年的網民心酸直呼「5年？？咁快」、「神蹟」、「我都排緊，差不多10年啦」，更有網民哀怨透露「我已經排咗12年了」。
有網民忍不住酸溜溜地質疑「排5年咁快，係唔係凶宅？」。面對網民的凶宅質疑，幸運兒樓主隨即現身，以 8 字霸氣回覆：「問過 信無寫 就唔係」，直截了當擊碎謠言。
在回應欄，也有同路人分享「我排咗5.5年，咁啱特快俾信我。拿咗健明邨（將軍澳調景嶺）3人單位，非事故。中層。同屋企人相隔10分鐘路程」。
街坊笑揭鳳凰樓「水壓隱憂」
此外，不少人對「鳳凰樓」感到好奇，詢問「尚德有鳳凰樓？」、「鳳凰樓喺邊㗎？新起㗎？」，隨即有心人解答「『鳳凰樓』（又稱鳳凰樓層）在香港房地產市場中，是指位於大廈頂層對落一層（即次頂層）的住宅單位」，樓主亦慶幸回應「係呀 好彩唔係頂樓」。
不過，亦有同樣住鳳凰樓的過來人現身透露隱憂，溫馨提示「我都住鳳凰樓，係平時水壓會有起伏」。
另外，有網民指「向地鐵站個方向涼爽」，但也有人擔心「向港鐵站方向，會唔會向正排氣設施呀？」，對此樓主大派定心丸，指「附近大廈都唔會食正排氣位置 全部都有段距離」。
資料來源：Ki Ki＠facebook公屋討論區
相關閱讀：
大家庭排8年派尚德邨兩廁單位 10分鐘行到港鐵將軍澳站 網民兩原因勸退......
首派葵涌石籬邨唔啱 公屋申請人自爆填寫一拒絕原因 1個月後派將軍澳尚德邨
排8年三派將軍澳尚德4人公屋月租$3151 幸運兒竟因一事身在福中不知福
