失業5年反成人生勝利組？無業港女靠一招「神級操作」賺回健康 再驚喜獲派啟晴邨1人公屋｜Juicy叮

一名失業長達五年的港女，在網上大晒自己極致規律兼寫意的無業日常，更宣佈成功獲派市區一人公屋，掀起全網熱議，令一眾每日營營役役的打工仔大呼羨慕，甚至開始懷疑人生。

終極躺平日常：$37三餸飯食兩餐、放狗日賺$13

樓主在帖文中娓娓道來自己失業後的「神仙時間表」，沒有鬧鐘的摧殘，她「日日瞓12個鐘自然醒，跟住牙都未刷，send咗10封信先」。解決完每日的求職KPI後，就沖一杯Lipton奶茶嘆早餐，落公園晨運，再去圖書館睇書、雜誌同報紙，過著如退休長者般的文青生活。

面對高昂物價，樓主亦有一套生存法則，她在回程時會花37元「買個3餸飯多飯，可以食兩餐架」。下午時間留給打機煲劇，黃昏則化身姜太公「去碼頭釣咗兩條魚返去蒸」加餸。到了夜晚，她會去海邊跑步，順便「幫鄰居放狗（友情價$50）」。有心水清的網民即刻幫她計數，扣除$37飯錢，驚嘆樓主「每日仲賺13蚊，可以食到老」，樓主更幽默回應：「你未計果兩條魚」。

最令全港打工仔葡萄的，是樓主透露自己「本身痴屋企住，失業咗5年之後，終於收到第3派公屋 - 啟晴邨1人單位」。無業加公屋的無敵組合，令她不禁感嘆：「唔知點解...以前營營役役、俾老細捽，積落黎果啲長期慢性疾病好返哂。心靈都好寧靜下。」

網民爆笑關心焦慮與健康　樓主神回：焦慮聽日揀邊3餸好？

帖文引來大批網民熱議，面對網民質疑「沒工作有焦慮的時候你怎麼處理的啊？」，樓主霸氣神回：「焦慮聽日揀邊3餸好？」，完美示範何謂心態決定境界。

除了羨慕，評論區亦充滿搞笑的養生與算死草討論，有網民關心她的牙齒健康：「但你d牙會出事，因為你唔刷牙」，樓主即笑言「Send完信咪刷牙囉」。另外不少人苦口婆心勸她「空肚不要飲茶」、「好削胃」，建議第一餐食蛋白質，樓主亦非常聽話，先後表示會改做「1片生命麵包」、「1粒烚蛋」，最後決定「食烚蛋+麵包」。

更有慳錢達人傳授秘技，指「Lipton 茶包加煉奶可以再平啲，濃淡隨意」，獲樓主大讚係「又一慳錢神招」。至於有網民好奇「一日10封信，搵咗5年都搵唔到工」以及到底「send咩信？」，樓主則鬼馬反問：「求職信定情信？」

打工仔集體共鳴：「失業之後，個人精神咗，面色好咗...」

帖文刺中不少打工仔的痛處，引來大量「同路人」大吐苦水，有在職網民悲鳴：「我全職4年，咪日日好似行屍走肉咁。放假瞓一覺又冇咗，假期少長期唔夠休息，冇晒人生，仲要返多40年，成日病，成日眼瞓，人生空白一片」；亦有網民咆哮：「我都好想辭職呀屌，去圖書館又無時間，所有野都要等放假先做得，請個假都內疚」。

與此同時，不少曾經歷失業的網民紛紛現身說法，大讚「失業真係好Ｘ正」。有網民分享自己失業一個月，每日起身慢慢食早餐，「睇住旁邊啲西裝友趕頭趕命，自己懶懶閒飲杯奶茶」，下午睇免費娛樂，肚餓就「落街10蚊兩個包或者食麥皮」，結果發現總支出只需平時返工的四成，不禁自嘲：「我辛苦工作，為左就係六七十歲後，可以享受類似咁既休閒寧靜既生活，原來失業已經可以做到，人生真係可笑。」

另一名網民更直指「我覺得人類設計係唔應該番工」，形容失業是人生最開心的日子，「一失業我就見到既世界都係七彩繽紛，行出街抖啖氣都舒暢啲，行步路都寫意啲，食啖飯都終於食到食物既味道」。甚至有網民表示「失業之後，個人精神咗，面色好咗，皮膚都靚咗。有時約朋友食飯想扮慘都扮唔到」，更有網民指過著這種無壓生活後，「抑鬱症都好返」，樓主亦附和這簡直是「慳返睇心理醫生」。

有因照顧患罕見病女兒而無奈停工的媽媽亦感嘆：「錢係要搵黎生活，唔係人活著為左錢呀......健康同開心先最重要！」獲樓主暖心鼓勵：「好鬼鐘意你最後果句，好有智慧呀。加油呀，媽咪。」

有網民質疑真偽 兩極掀罵戰：「得公屋得天下」VS「交稅養垃圾」

不過，帖文亦引發了激烈的價值觀碰撞。支持者盛讚樓主是「傳說中嘅人生贏家」，直呼「得公屋得天下」、「根本life hack，對抗Rat race既最好方法」，認為「躺平能醫萬病」，甚至有人慫恿她「建議申請埋綜援，租都唔使交」。

另一邊廂，質疑與批評的聲音亦不絕於耳，不少網民追問「邊度搵錢交租？」、「失業5年點樣維持生計？」，當有網民留言「爽呀，咬埋老綜，人生美滿」時，樓主僅以一個「哈？」字回應。有反對躺平的網民則怒斥：「有手有腳，喺未搵到工前做吓散工唔難丫。5年來都靠立稅人養你，仲要沾沾自喜，我覺得唔係幾好」，更有網民言詞激烈地批評「唉，交稅就係養呢d垃圾」、「樂於做無業遊民，已經上咗癮，香港又多一件垃圾啦！」。

此外，亦有眼利網民質疑文章的真偽，直指這是「飛機文」、「新潮文？」，有網民留言踢爆：「改少少當自己嘢呀?」，樓主則淡定回應：「你睇多幾次再講啦，乖」。

來源：Threads

延伸閱讀：50歲雙碩士港男失業兩年 移居深圳求職竟獲「稅後2萬」筍工？網民酸爆掀罵戰