抽中粉岭新公屋嫌远 网民献计写信去「呢个邨」 楼主嬲爆：点解讲啲有骨嘅嘢？｜Juicy叮
发布时间：16:00 2026-11-10 HKT
一名申请新界区1人单位的网民获派粉岭全新公屋「凤凰岭邨」凤耀楼，却因为工作与生活圈子在荃湾而陷入天人交战，帖文一出随即演变成大型网民辩论现场，由交通攻略、新界等楼幻想，一路吵到「象山邨风水学霸论」，金句百出。
获派全新公屋「凤凰岭邨」掀优劣讨论
该名楼主在facebook群组发文求助，短短一句「唔知要唔要好, 凤凰岭邨, 返荃湾应该好远」，瞬间点燃一众街坊与公屋申请者的讨论热情。有热心网民立即化身「交通部部长」，指凤凰岭邨邻近联和墟，「都不错，近联和墟」，更有网民提供实测数据力劝楼主接受，表示「有架278A 皇后山开出 凤凰岭村就系联和墟巴士站上车去到如心广场巴士总站，车程大约53分钟」，亦有人补充「10分钟内行到去联和墟总站，搭278A，但留意时间表。全程50几分钟」，或者出粉岭转乘278X直达荃湾，直言「系远D，但好新，针冇两头利」、「好靓，凤凰岭，好方便，唔要就系你稳笨」。不过亦有准住户爆出新楼的小缺点，笑言「我都系凤凰岭邨330呎，但系室内墙超厚冇咗30尺」。
既然嫌粉岭远，有网民就献计叫楼主放弃今次机会「等锦河」，指位于元朗锦田南、港铁锦上路站旁的锦河邨预计2027年3月落成，楼高仅16至17层，共提供约2,788个单位，当中亦有约150平方呎的1至2人单位，更卖花赞花香地表示「一个站就元朗去荃湾两个站，落西铁几分钟，楼不是很高10几层，冇咁密集 空气好」。楼主听后亦一度心动，探问「得10几层高？是否好少单位」、「一人单位会有吗？」，更坦言「其实我都好想」，甚至觉得就算二派去古洞，「古洞近地铁, 反而唔怕」。
不过，这番美好幻想随即被一众清醒网民淋冷水，有网民直斥「你话等就等？我住元朗都冇得等锦上路......」，有网民亦警告锦田一带「唔好既咪隔几日就有直升机嘈音，一嘈就成晚，重有动物排泄物臭味」，而且「屯马线锦上路站早上好难上车」、「上一站元朗已经上唔到咁滞」。
网民：「试下写信要求象山」 「象山根本唔系大家讲到咁差」
正当大家认真讨论新界北交通之际，一名网民突然抛出震撼弹，留言建议楼主「试下写信要求象山」，结果瞬间引爆全场火药味！楼主当场动气反问「点解要讲d有骨的说话呢？」，更与其他网民一唱一和指「冇错，都系荃湾，大家都知象山系点样，相信佢自己都唔想要」。
该名提出建议的网民大感委屈，连环留言反击指「见你钟意荃湾，先咁样建议你，又话有骨，呢道好多人唔钟意象山，先建议你试下人弃我取，其实象山根本唔系大家讲到咁差，行过少少到可风门口已经好多车搭」，更表示「对楼主好失望，好心建议下就觉得我想阴你，我以前都有同学住象山，读书仲好叻」、「以前都有同学住象山，风水几好，佢都系学霸」。
这番「象山学霸风水论」引来旁观网民食花生，有网民直指「哗你呢句急到呢。我唔否认你呢一句嘢嘅可行性，但系对大多数人而言过于刺耳」，亦有网民笑回「风水呢啲嘢一个单位一个讲法，你同学条命好好」，并点出关键「至于楼上话写象山，系好pk但系至少落荃湾方便。一定好过凤凰岭」。
除了象山邨之争，留言区更出现不少突破盲点的质疑，大批网民奇怪楼主既然心系荃湾，为何当初不排「扩展市区」而要排「新界队」，纷纷留言嘲讽「但你派凤凰屿系新界队又唔转去扩市咁搞笑」、「拣得新界区预咗啦！」、「我想讲荃湾系另一条队（扩展市区） 凤凰岭系（新界）」。
期间更有网民胡乱献计叫楼主揾区议员写信去房屋署要求调去荃湾，随即被其他网民群起纠正「唔好乱教啦，议员信无用架」。面对楼主既想要新界队的快、又想要荃湾区的近，不少网民开启「嘲讽技能」，曲线留言说「啱先要啦紧系，再派唔啱唔要，再再派再唔啱都唔要，派到喺公司隔离为止」、「唔好要，等派海之恋」、「要求礼宾府」，亦有网民指出「你咁问得证明唔系好想要啦，证明系无急切住屋需要，咁就等下啦」。
在一片唇枪舌剑之中，一名同样获派新界北的过来人留下一段极具警世意味的「劝世文」，为这场公屋风波写下最贴地的总结：「楼主系返工荃湾，住新界区？本身住荃湾，自己拣新界区就冇计㖞，同埋唔要，之后派乜比你冇人知，风险系你自己承担，问人~答你个啲唔使负责任，住系你自己，我第一派中古洞，大把人话唔要，交通唔方便，我就乜都冇问人，选择要，啲人话点解你唔博二三派，博佢老Ｘ，边个知派啲乜比你，比个屯门三宝你就ＸＸ喇」。另一名网民亦爆金句劝解楼主面对现实：「香港地生活，有一好无两好」。
来源：公屋讨论区 - 香港facebook群组
延伸阅读：北都区首批新公屋「凤凰岭邨」现拒绝个案 港爸抽中39楼高层靓盘竟狠心放弃 背后1理由惹热议
