有片｜中環的士「打橫」困窄巷 司機救車20分鐘無果 網民：要向後bye
更新時間：11:37 2026-08-24 HKT
發佈時間：11:37 2026-08-24 HKT
發佈時間：11:37 2026-08-24 HKT
字體大小
中環卑利街有的士離奇被困窄巷。今日（24日）早上網上流傳一段影片，顯示一輛的士駛至卑利街與列拿士地臺交界時，懷疑司機在狹巷掉頭，詎料整部的士「打橫」被困在兩幅石牆之間。其間司機多次踩油門和不斷扭軚，都只能令的士稍為駛前或倒後，進退兩難，車尾更被刮花，始終無法脫困。
拍片者希望有駕車「高手」幫到涉事的士司機，但她不懂直播，只能在場拍下影片，再上載至互聯網求救。她在片中直言：「有冇揸車高手呢，有冇諗到呢個點樣幫到司機呀？」、「有冇人幫到司機呀？」她又講述現場情況：「點算呀？其實司機好緊張喇，佢喺度整咗差唔多20分鐘喇！」影片未段有一名清潔女工在場清理的士遺下的碎片，惟片段至止結束，未有交代結局如何。
影片引發網民熱議，有網民直指：「卑利街不嬲都係退後走，前面係冇路」、「要向後bye吖」。亦有網民揶揄：「佢點做到㗎？」、「我更加想知佢點樣入去打橫」、「高手先入到去」；又表示「好想知最後嘅結果」，建議「Call吊雞啦」。此外，有網民讚賞片中清潔女工「幾到位」，「即刻清理現場避免碎片影響其他道路使用者」。
