馬鞍山麥當勞爆爭執｜少女外賣員交代事件起末認「嬲到失去理智」：我只想討回一個公道

突發

更新時間：16:38 2026-09-26 HKT
發佈時間：16:38 2026-09-26 HKT

馬鞍山一名少女外賣員疑不滿被麥當勞的職員惡劣態度對待，一時衝動下，在店內失控瘋狂將櫃台上的外賣食物及杯裝飲品掃落地上。事後少女在社交平台Threads現身說法，交代事件的始末，同時她又承認自己的行為不當，但強調當刻「實在係太嬲，嬲到失去理智」，「從始至終我只不過想討回一個公道，我要嘅只不過係一個『態度』」。

少女指事發時「啱啱接咗張麥當勞嘅Keeta單」，等待期間一直耐心等候沒有出聲，等候20分鐘才向店員詢問。她指自己「好聲好氣好有禮貌咁問」，惟一名紫色頭髮的女店員突然情緒激動，態度惡劣，「唔知係咪因為太忙所以搞到好躁底，就將啲情緒發洩晒落我度，向我發火，態度好差好惡好大聲咁樣話：『你催乜嘢催啫？！你啱啱已經催咗三次啦喎！！我哋而家好忙啊！你見唔見到呀？我哋咁忙點答到你呀？你催嚟都冇用㗎喎！我已經話咗答唔到你啦！點啊？你催夠未啊？』」

少女強調從頭到尾都體諒麥當勞職員非常忙碌，但並不能接受對方的惡劣態度，「我唔係唔體諒佢哋忙，佢哋完全可以好聲好氣咁回答我『唔好意思，我哋而家好忙，答唔到你要等幾耐，所以可能要等耐少少』…從始至終我只不過係禮貌咁問咗一句要等幾耐冇催過，但個紫色頭髮女店員一嚟就好惡咁樣鬧我，仲屈我催咗三次。」

之後少女和經理交涉，要求對方處理是次糾紛，但該名女職員不斷破口大罵，經理亦希望息事寧人，打發她離開，「從來冇重視過店員嘅態度問題。我話要投訴呢位店員要求佢畀店員嘅名我，我追問咗佢好耐佢先至肯俾我。最後，佢就直接冇理到我，自顧自咁做自己嘢，當我透明。」

少女怒不可遏，一時衝動下向店員潑水及將櫃台上的外賣食物掃落地上，「當時我實在係太嬲，嬲到失去理智…我承認呢種發洩行為係唔啱，的確唔係一個明智嘅做法，但係從始至終我只不過想討回一個公道，我要嘅只不過係一個態度！由頭到尾我只不過係禮貌咁問咗一句需要等幾耐，冇催過，但卻要無故遭受店員嘅攻擊同冤枉！」

最後，少女承認自己有情緒問題，同時亦都知道情緒問題「唔係大晒」，「我想再強調一次呢件事我並唔係認為自己啱晒。但係我希望大家單純針對件事去作出評價，而唔係針對個人，唔好因為對我或者有情緒問題嘅人嘅偏見而先入為主。」