古天樂神秘情史曝光？「順嫂」梁葆貞突晒「古天樂嘅女人」相網民瘋狂尋真身

更新時間：17:30 2026-08-12 HKT
發佈時間：17:30 2026-08-12 HKT

89歲資深演員「順嫂」梁葆貞退休逾30年，早已移居加拿大享受晚年生活，不過每年都會回港避寒。早前順嫂接受李婉華訪問，大談當年演藝圈的點滴與秘聞，分享與成龍、汪明荃、白雪仙等巨星的相處趣事。然而，在兩人閒話家常、翻看舊相片之際，精靈可愛的順嫂竟然不經意地投下一枚「震撼彈」，她向李婉華展示了一張珍貴相片，更直指相中人是「古天樂的女人」，瞬間令人對古天樂神秘感情生活的無限遐想！

順嫂突晒「古天樂嘅女人」惹遐想

順嫂在2025年2月舉行的演藝人協會春茗上，獲會長古天樂頒發「傑出演藝大獎」，在訪問上與李婉華談及此事，順嫂盡顯其率直幽默的本色。她笑言當時完全沒有多謝那個獎座，反而多謝會長古天樂給的那封豐厚利是，順嫂打趣說：「我見錢眼開，氣死古天樂！佢問點解咁好春茗，我咪話多謝這封利是，唔係個獎咩？梗係唔係，只不過係塊膠，我揼咗喇！」就在大家為順嫂的坦白笑得合不攏嘴時，順嫂突然遞出一張相片給李婉華看，並爆出一句：「呢個係古天樂嘅女人！」

相關閱讀：「順嫂」梁葆貞加國返港避寒精靈現身飯局與老友聚舊狀態不似年近九十

順嫂未有公開「古天樂個女人」的身份及樣貌

雖然順嫂和李婉華在鏡頭前嘻嘻哈哈，但未有詳細公開相中人的真實身份及樣貌，真相只有順嫂與李婉華知道，不過此話一出，已令大批網民及粉絲十分激動，紛紛猜測相中人究竟是誰，竟然能被見盡風浪的順嫂親自「認證」，有人留言問：「古天樂個女人係邊個？既然順嫂都爆咗出嚟，Show張相比我哋睇吓！」、「我坐定定睇晒，順嫂好正! 古天樂個女人可能係講緊黃𨥈瑩，順嫂有拍《餐餐有宋家》。」、「好想知道古天樂個女人係邊個。」、「婉華，畀啲貼士吖，如果唔係宣萱，你回一個唔開心嘅表情就得，唔該你呀！」、「古天樂個女人係邊個？宣萱？」出道超過30年的古天樂曾各種緋聞和負面新聞困擾，一直鮮有提及感情事，唯一公開承認的女友是前TVB小花黃𨥈瑩，兩人於1994年因合拍處境劇《餐餐有宋家》相戀，因當時在事業上是女強男弱，這段戀情不被看好，但黃𨥈瑩依然為男友甘願淡出做背後的女人，可惜兩人拍拖7年最終分手收場。

古天樂曾感謝黃𨥈瑩不離不棄

古天樂與黃𨥈瑩拍拖期間被爆出曾有過案底的事，雖然演藝事業大受打擊，但黃𨥈瑩依然不離不棄，一直陪伴在他身邊給予支持，雖然兩人最終分手收場，但有傳重情義的古天樂仍然給予女方生活費並曾公開承諾：「我好重情義，邊個喺我患難時，幫過我一把，我一定會記一世，黃紀瑩喺我最失信心嘅時候，畀咗好多安慰同幫助，我一世都唔會畀人傷害佢。」除了黃𨥈瑩，古天樂因與宣萱多次合作而被譽為「經典螢幕情侶」，緋聞傳了多年，一直被外界公認為「最合襯的一對」，宣萱曾直言連身邊朋友都覺得二人「應該係一對」，但一直「撻唔著」原來是因為古天樂只當她是「兄弟」：「我哋識咗三十幾年喇，我同佢拍《餐餐有宋家》識嘅，真係冇（愛情）感覺，我鍾意咁樣，我覺得對男同事，我寧願稱兄道弟，唔好搞到曖曖昧昧，我唔鍾意呢啲嘢，佢對我當我係半個男人嘅時候，大家就唔會有嗰啲諗法。」在今年年初網上瘋傳古天樂與一名圈外林姓女子秘婚逾十年更育有一子，搞到「古粉」網絡神探，最後有人另一猜測，這女子是千禧年代曾活躍於影壇的女演員林淑茵（Gloria Lam），古天樂只堅稱：「我一律唔回應工作以外嘅雜音。」