公屋交吉清雜物做錯一步被開價$6000？街坊教路搵「這職位」幾百蚊搞掂網民警告：或違法｜Juicy叮

時事熱話

更新時間：16:00 2026-10-26 HKT
發佈時間：16:00 2026-10-26 HKT

公屋上樓難，原來「退房交吉」同樣是一門高深學問，有公屋居民在facebook發帖求助，指自己交吉在即，但面對滿屋雜物頓時束手無策：「請問公屋交吉，但太多雜物要丢，自己執唔嚟，唔係傢私，係家居雜物，應該搵咩人幫手執走丢棄價錢比較平？」

過來人分享經驗：房署「一條龍」揼垃圾僅需$750

帖文隨即引來大批過來人及網民分享經驗，綜合網民意見，原來公屋清屋還原主要分為「官方房署」與「民間清潔工」兩大途徑。

不少網民指出，其實最划算、最不會被「坐地起價」的方法，是直接找房屋署。有過來人透露，房署有一項收費合理的代辦清理服務，只要不是違規改裝，基本上可以「撓埋雙手」等交鎖匙：「只要唔拆走佢都係收一次過服務費幫你清理曬所有嘢」「還原費用當中750蚊就係清除雜物，包括衣服、垃圾、可活動嘅嘅傢俬、電器」，「我朋友比房署掉，$750全屋掉晒，家俬電器雜物乜都有」。

不過，網民亦提醒，房署收費是「按規矩辦事」，如果屋內有自行加裝的吊櫃、牆身改動等，就會逐樣計錢：「如果你掛喺度嗰啲櫃，佢就要逐樣嘢同你計，如果你唔係掛上場嗰啲，佢就係就咁一次過同你收一筆。」

過來人分享找清潔工：幾百蚊解決 vs 開價六千肉痛

除了走官方途徑，最多網民推薦的「平民方案」是直接找屋邨的清潔工：「搵返你嗰座倒垃圾阿姐或者阿叔畀少少錢佢幫你搞掂曬佢」、「去垃圾房嗰度搵清潔阿姐或者叔叔問吓啦！佢哋都係用自己返工時間做唔會收好貴。」

有街坊分享超抵消費體驗，簡直是良心價：「我上次搬搵清潔呀姐，佢帶一男一女幫我清屋雜物，折衣㙺，按摩椅，雲石枱，雙人床，組合櫃，佢叫我一人比二佰蚊即六佰，我比多一佰蚊佢地飲茶」。

有過來人網民提醒找清潔工幫忙有一大忌，就是千萬不要驚動「清潔部工頭（阿頭）」，否則隨時被開天殺價，有苦主現身說法：「我試過交吉搵樓下清潔阿頭，丟幾個櫃幾張床要我6千元，開價唔眨眼！」有街坊亦提醒找平日清潔該層的清潔工即可，「邊個叫你咁高調搵阿頭啫，做人要低調D下下搵個大嘅做咩」。

私下付款找清潔工清雜物或觸犯《防止賄賂條例》

不過，有網民提醒，找大廈倒垃圾的叔叔阿姐，付費請他們代為清走雜物，可能觸犯《防止賄賂條例》，屋邨清潔工不論是房屋署直接聘用，或是外判物業管理公司的員工，皆屬於「代理人」。如果他們在沒有僱主（房署或物管公司）的許可下，因收受住戶的利益，不論是金錢、利市、禮物等，而為住戶提供特別服務，如處理私人大型傢俬或過量垃圾，或涉嫌觸犯「代理人接受利益」。而住戶向清潔工提供利益，藉此換取便利，同樣有可能觸犯「向代理人提供利益」罪。一經定罪，雙方均可面臨罰款及監禁。

綜合一眾網民建議，公屋交吉清屋，最穩陣的做法是先問准房署主任，看看官方的代清垃圾收費是否合乎預算，通常$750至$780左右。