54歲戴耀明死慳死抵成功上車 買樓送八旬母 新居望獅子山：好遲的禮物
發佈時間：22:00 2026-08-15 HKT
54歲TVB綠葉王戴耀明在娛樂圈中是公認的「孝順仔」 ，自從爸爸十多年前病逝後，身為獨生子的他與媽媽相依為命，獨力承擔照顧母親的責任。近年他在內地網劇中曾擔正做男主角，北上發展的酬勞雖比香港豐厚得多，但戴耀明坦言放不下年邁的母親，只會接短期、點對點的內地工作，完工後必須立刻回港陪伴母親。戴耀明努力工作多年，近日報喜稱為媽媽送上大禮！
戴耀明為媽媽送上好遲的禮物
戴耀明今日（15日）上載與媽媽的合照，並透露送了一份「好遲的禮物」，表示：「老母呢件嘢對於我嚟講，係一件好貴、好貴嘅東西，但老土啲講，有今生無來世。如有下世都可能見唔返了。你八十幾歲人，住過嘅只有『木屋區』 和『舊公屋』。你話：『你細個戰爭嘅時候住喺防空洞，執番薯葉食又一餐，有咩過唔到呀？幾難捱都捱到嘅！』這份禮物對你嚟講，應該是一件『好遲的禮物』。」
相關閱讀：TVB御用傻仔揚言要TVB高層力捧！公開撐無綫舉動驚人 父遇車禍行動不便母受胃潰瘍折磨搏命搵錢養家
戴耀明死慳死抵買樓做業主
戴耀明口中所指的「好遲的禮物」原來是買樓做業主，他有感而發地說：「冇計，我唔夠叻，搵錢唔多，只能夠死慳死抵才能掹到車邊。 『舊屋』你對咗獅子山咁多年，『新屋』照樣畀你對返獅子山，老土都要講，你份獅子山下不屈不撓嘅精神，好值得我學習。請笑納。祝身體健康，開心過每天。#五十幾歲人先上車 #買樓#基層市民 #打工仔 #生活 #獅子山下精神 #上車族 #供樓。」不少人留言讚戴耀明：「恭喜晒！呢個孝順仔戴耀明，媽媽最開心，見到仔仔有咁好嘅日子。」、「絕對唔遲，能夠買到樓一齊住，已經畀好多人孝順同叻叻，為你驕傲，祝你們身體健康，生活愉快。」、「感受到你和家人分享的喜悦，恭喜！」、「孝順的人必有福。」、「你好叻仔好乖好孝順，新的景觀廣闊很多，毫無遮擋，非常靚，感恩你的分享！」
戴耀明照顧年邁媽媽曾兼職做侍應
戴耀明在1994年由亞視轉投TVB效力至今逾30年，多年來一直飾演配角角色，未曾擔正主演過劇集，星運平平。戴耀明曾表示父母雖然出身於草根階層，但對他絕對沒有太大要求，更一直很支持他的演藝事業：「其實屋企人很支持我做這行，又沒有嫌棄我在娛樂圈『唔湯唔水』，賺唔到大錢。」他認為人生在世，做到自己喜歡的事情，又不是不能謀生，這就不枉過。戴耀明指媽媽一直都很愛護自己，小時候時為了買電腦給他而節衣縮食一個月，所以入行後一直努力工作，希望努力賺錢為媽媽提供更好的生活環境，因幕前收入不穩定，加上需照顧年邁媽媽，曾被拍到在茶餐廳兼職侍應及洗碗等工作，獲得不少網民支持與讚賞。
相關閱讀：TVB綠葉王戴耀明於茶餐廳打工 洗碗清潔廁所樣樣做日賺幾百蚊：服侍啲食客好尷尬
