魯振順驚揭與未婚妻Julie真實關係 分床瞓冇性生活：咁大年紀搞唔到 承諾生養死葬
發佈時間：10:00 2026-08-25 HKT
68歲的資深綠葉魯振順入行逾50年，憑《笑傲江湖》「東方不敗」一角深入民心。他與交往多年的伴侶Julie原本愛得高調並一度籌備婚禮，豈料婚期一拖再拖最終告吹，二人關係更發生戲劇性轉變，由未婚妻變成了「阿媽」。這段黃昏戀始於Julie主動聯絡，但因一頓充滿「媽媽味道」的餃子徹底打動了魯振順。他憶述當時的感動：「佢買返嚟嘅餃子皮，但包出嚟嘅味道真係好似我阿媽！食完之後，佢行返去自己屋企嗰陣，我真係喊咗一大餐，由嗰刻開始，我就覺得佢畀到我阿媽嘅感覺。」
魯振順分房瞓保障睡眠質素
撇除傳統婚書的束縛，二人現時同居卻堅持分房而睡，魯振順坦言這是為了保障雙方的睡眠質素。「年紀大咗之後，真係要分房瞓。因為每個人嘅作息、習慣唔同，我鍾意半夜三更放屁、磨牙，甚至每一個鐘頭起身去一次廁所，如果一齊瞓實郁到佢，搞到佢唔使瞓。」對於為何最終決定不簽紙結婚，魯振順直言到了這個年紀不想再搞繁文縟節，更笑言怕惹來爭產疑雲：「結唔起婚呀？到時又要爭產喎，唔好搞我，我情願覺得母子關係會好啲，唔會計較同計算咁多嘢。」
相關閱讀：魯振順揭曾與TVB藝員管理部負責人鬧翻 直指與當年行內姓焦師兄有關 一度提出與無綫解約
魯振順「登六」後無性生活
二人由未婚夫妻變成「母子」，魯振順直言「登六」後已不需要性生活，「我哋咁大年紀咯，搞唔到咁多嘢啊，又話我哋生唔生。生，黐孖筋，屁都冇放過。」，但雙方的感情卻比許多真實夫妻更為深厚，Julie在日常生活中對魯振順照顧有加，從起居飲食到理財都嚴謹把關，展現出媽媽般的關愛。魯振順對這份情誼亦許下一生的承諾，他感性地表示：「我可以照顧阿媽，孝順阿媽，所謂『生養死葬』，佢在生之年我就會養佢。」沒有婚書的羈絆，換來的卻是互相依靠。
魯振順演「東方不敗」獲金庸讚賞
回首半世紀的演藝生涯，魯振順坦承經歷過高開低走的階段，20多歲時曾因由一線男主角跌至配角，不堪壓力而割脈自殺斷了九條手筋。幸而最後他學會放下執著，更感恩金庸點名讚賞他演活了「東方不敗」。早前他已決定離開效力多年的無綫，直指要跳出舒適圈到內地發展。面對人生新階段，無論是事業還是愛情，魯振順如今都看得很透徹，對這段得來不易的黃昏戀更是珍惜：「而家最主要就係大家健健康康、開開心心，陪得幾耐得幾耐，緣分同感情呢啲嘢識得放就放，珍惜眼前人。」
相關閱讀：67歲「卡拉之星」百病纏身！尿酸飆高、心臟、前列腺連環出事 為生計硬撐登台
