甘國亮傳患失智症 汪明荃揭好友健康狀況：唔係幾講嘢，一路康復緊，認得我
更新時間：16:33 2026-09-05 HKT
發佈時間：16:33 2026-09-05 HKT
發佈時間：16:33 2026-09-05 HKT
字體大小
汪明荃今日（5日）出席「戲劇大師鍾景輝紀念展覽」揭幕禮，受訪時除了談及鍾景輝（King Sir），亦講到另一演藝大師劉兆銘（Ming Sir）日前離世一事，以及透露好友甘國亮身體狀況。汪明荃指劉兆銘是另一位大師，很尊重舞台和職業，自己小時候已經跟他學跳舞：「佢嗰陣好後生，體型、線條好靚，佢教我 modern dance 和芭蕾舞，佢又好鍾意石頭，嗰時我唔識欣賞，佢叫我睇，話雖然唔郁，但係佢有生命，後來我都執石頭返屋企，放在水中才發現石頭的美態，很特別。Ming Sir覺得我有條件成為舞蹈家，可惜我無太多時間學跳舞。」
汪明荃獲劉兆銘鞠躬覺得感動
一同受訪的謝君豪表示，雖然在工作中很少碰到劉兆銘，但對對方去演藝學院做客席講師印象深刻：「佢教書嗰陣有另一種方法，佢同King sir唔同，King sir就一代宗師，Ming sir就遊戲人間，世外高手咁，係完全唔同嘅態度。」
汪明荃又指第一次上堂見到劉兆銘時，自己雖然不認識對方，但看到他咪起雙眼微笑，一副很感動的模樣，更向他們鞠躬：「我感覺到是他作為一個殿堂級藝術家，對一班未來戲劇工作者講咗句多謝，好感動。」
相關閱讀：甘國亮75歲生日汪明荃薛家燕齊賀 古怪表情再惹憂心？ 好友留言意外洩健康狀況
汪明荃透露甘國亮康復進度
另外，汪明荃日前與甘國亮慶祝生日，問到對方的身體狀況，她形容對方是一個康復者，雖然行得慢，但行到，身體肥了一點，面色也很好：「佢食咗好多嘢，但唔係幾講嘢，我見到佢一路進步緊。（有傳他有失智症？）嗰啲唔舒服我諗已經係過咗，我見到佢得到好好嘅照顧，同埋一路都康復緊，亦都認得我。」
相關閱讀：劉兆銘離世丨汪明荃曾獲劉兆銘排舞 晒珍貴影片致敬 Ming Sir穿工人褲教跳舞顯大師風範
