張致恒驚爆「買基金」50歲有300萬 七仙羽幫繳逾萬電費 網民怒轟：大話冚大話
發佈時間：17:30 2026-10-15 HKT
張致恒（Steven）被網民封為「四大廢男」之一，近日被債主踢爆「大花筒」生活，單是電費竟然達到9千多元。張致恒現身《東周刊》的《東周網》直播時，還自揭欠債約為100萬元，蔡卓妍（阿Sa）亦是債主之一。阿Sa蔡卓妍日前在活動上斥張致恒：「總之人哋冇欠你（張致恒），真係火都嚟呀！」張致恒事件最新發展，有傳媒收到一段錄音證實張致恒早年已買基金，到50歲時可獲得300萬元。
張致恒錄音親證基金揸手
近日有知情人士向傳媒曝光，張致恒甚懂投資之道，在錄音自爆早在多年前已為自己鋪好財路，大約在2015、2016年左右，已購買一份儲蓄基金。張致恒精明選擇縮短供款年期，並以每月5,000多元的金額供款，目前已經「供斷」。張致恒強調：「唔係保險係基金，因為早六、七年前我買咗基金，嗰時供斷咗，一直由佢自己『滾』存落去，而家過嚟要簽返啲嘢，要到50歲先有錢攞。」
張致恒為兒子未雨綢繆
張致恒未雨綢繆為兒子買基金回報不錯︰「諗住有啲咩留返俾個仔，佢個總價值去到50歲應該有300萬……最慘而家攞唔到咁解。」今年42歲的張致恒尚有8年便踏入半百之齡，屆時便會有300萬元揸手。難怪張致恒對太太雯雯曾稱想申請綜援解困，一直表現抗拒，以「申請綜援會產生依賴，令別人不再願意施予援手」理由反對。
相關閱讀：張致恒被債主爆一期電費近萬元 多段欠債唔還錄音流出 借錢買奶粉用消費券換新床褥
張致恒遭停電七師傅打救
張致恒日前在網上頻道《鼎豐盛》再次為電費問題解畫，指9,000多元電費是分開幾期的累計：「當呢一期未交完，又叠住下一期時候，就變越滾越大。」張致恒又爆自「七師傅」七仙羽得悉他冇錢交電費時，曾幫忙繳清逾萬元費用︰「有一期係停咗電，我老婆亦喺媒體上發過出嚟，記得有一次，七師傅即打嚟問我屋企點呀，係咪停咗電呀，喺呢度真係好多謝七師傅，佢好慷慨解囊咁話幫我交咗先，佢話最緊要小朋友有個舒服環境成長，所以師傅曾經幫我交過12,000幾蚊（電費），唔想俾人誤會我屋企原來用咁多電。其實平均每月…夏天貴啲，用3千零蚊一期，冬天就千零蚊。好多謝師傅曾經幫助，及唔同人嘅幫助。」
七師傅施援手出於憐憫
七師傅接受傳媒訪問時曾承認，出手幫張致恒交電費、屋租、找藥房費，施援手純粹出於憐憫︰「$12,309，他老婆找我的，我payme 他太太。」不少心水清的網民炮轟張致恒「大話冚大話」，質疑他多年來利用大家的同情心，實則是「有錢投資，無錢還債」。
網民鬧爆張致恒：「唔好再利用人地善心好無」、「多謝完就可以順理成章唔駛還錢」、「佢根本自己有錢！只不過兩公婆扮嘢啫！俾錢佢哋，不如捐錢執其他慈善機構」、「依家娛樂圈都充斥住好多騙徒」、「有基金在手，唔怪得之唔可以申請綜緩啦！」
相關閱讀：張致恒浪子回頭形象隨時破滅？ 債主公開截圖錄音態度極大反差 憑實力借錢老奉唔還
