路芙做殯儀被拖糧報《東張》 上鏡追討萬元超勞氣 前合作夥伴一句暗示將被全行封殺？
發佈時間：22:00 2026-11-08 HKT
近年不少藝人開拓副業，曾拍過不少TVB劇集的前DJ路芙，早前經朋友介紹兼職加入殯儀業。她應徵一間殯儀公司的職位，沒想到面試過程極為古怪。路芙透露，見工第二天老闆就約她食飯，她原本以為是複試（Second In），怎料對方竟說只是想跟她做朋友，並表明不會聘請她。路芙表示：「我真係咁大個都未試過，見一個我唔識嘅新嘅……所謂老闆會同我講呢個咁嘅說話『我想同你做個朋友』，我啲真係朋友都未試過第一次見我話想同我做個朋友。」最後對方提議她以「Agent（中介）」形式掛單，路芙亦同意此合作形式。不過最終卻因出糧問題而反面收場，更鬧上《東張西望》。
路芙稱無故被扣人工
路芙表示，其實合作初期雙方已就價錢問題有過爭拗，老闆要求她幫忙擔任接送牧師的司機到殯儀的場所，路芙認為此要求尚算合理，於是提出價錢，最後卻被老闆未經同意的情況下扣錢。她表示：「我收$450（工作）4個鐘頭，點樣一起標都要計4個鐘，就算揸車只得一兩個鐘，我都咁樣計。到我收錢喇……我揸咗6次定7次，佢每次都扣我50蚊，係咪好離奇呀？收錢嘅時候就永遠都扣你錢……」老闆的理由是早前已跟她說明，工作是5小時，只得400元。」
相關閱讀：《新聞女王》綠葉路芙素顏現大量老人斑極嚇人 原來擁高學歷曾遭尋仇被斬險喪命
殯儀公司逼簽苛刻合約？ 要求離職一年內禁行內立足
而事件的導火線在於第二單交易的佣金結算。路芙表示首單交易順利收取15%佣金，但她亦認為「收唔足錢」，原因是當這單生意完成到一半時，後續的服務會被老闆轉為交給另一位同事跟進，「佢話『呢份錢唔足㗎，因為後面上位啲錢，我畀返另一個同事做，佢有幫你做』，咁我冇嘢講啦……」最終路芙的佣金只扣剩約5千元。
但在處理第二單價值萬元的交易時，公司卻突然要求她簽署一份她認為極其苛刻的合約，否則就將佣金扣減至2,000元的「介紹費」。路芙指出合約中的「Item 12」條款完全是限制人身自由，要求員工不論被解雇或自願離職，一年內均不得從事任何殯儀相關行業，亦不得拉攏同事離開。無底薪的她憤怒直言：「份 contract 裡面，喺 item 12 個度，你要求我一離開呢一行，或者你炒我嘅話，某個程度上，我係全年唔准做返呢一行，咁我搵食工具嚟㗎嘛，我都要生活，點可能一年呢？做咗嘢，我想收返我份糧啫。」她痛批公司沒有一早說明不簽約就扣佣，她亦因為不肯簽約，一直被拖欠萬元佣金。
殯儀公司老闆願付錢了事：冇人會再預你嚟做中介
路芙致電給殯儀公司老闆Carman對質，對方聲稱：「有叫同事搵你簽。」但路芙表示沒有收到通知。殯儀公司老闆表示難以理解路芙不簽合約的原因，最後亦沒有再要求她簽約，並表示：「我要同你傾好點出畀你呀嘛！唔簽冇問題，咁你咪當介紹費囉！」當路芙追問，是否如之前所指，不簽合約就只可收取2,000元的「介紹費」，對方改口表示：「你冇話唔畀錢你，你要過嚟同我簽係介紹人，我條數要出（記帳）㗎嘛！冇人會再預你嚟做中介，你都唔會做喇，大家關係搞成咁，我而家冇話唔畀錢你，你簽咗係介紹人，收咗錢咪大家bye bye囉！你要而家呢個錢，咪呢個錢囉，一萬零幾囉！」路芙指，對方早點說明可以付清萬元佣金即可，「咁點解你唔喺第二單嘅情況之前（提出），之前我接返嚟，你就應該同我講：『喂，要先簽合約先，簽咗合約，先至同你做第二單。如果不簽合約，就當你介紹。』你講呢句嘛，講呢句咪無事囉！但你唔係嘛，我做晒所有嘢，連啱啱過去嘅日子，啱啱前幾日做埋上線，我做晒所有嘢，你都唔畀錢嘛！」
相關閱讀：路芙玩制服誘惑扮俏護士超重口味 咬波賣萌裙腳開衩露出粗壯大腿
鏡頭前電話對質火藥味濃 路芙怒轟：呢個行業好離奇
殯儀公司老闆Carman後來得知路芙「報東張」更為激動，更疑似暗示路芙搞大件事將會被全行封殺：「你唔使搵《東張西望》，路芙都係有名氣嘅人，你要咁樣搞，你都唔使做殯儀㗎喇，你唔使搵《東張西望》嚟大我，我不嬲都冇話唔畀錢你，冇呃你錢，大家白紙黑字講好……揸車幾錢又係……」路芙此時在鏡頭前搖頭表示不同意，最後她亦按捺不住怒火，大聲要求對方直接開支票：「總之好簡單，你講，你依家無論介紹費又好，咩費用都好，10700 蚊係咪畀我嘅？寫定張支票影畀我睇，得唔得？無謂嘥時間啦，你影張支票畀我，麻煩你，好無？」雖然對質過程火藥味甚濃，但幸好在節目介入及跟進下，殯儀公司最終妥協出票，路芙成功追回10,714元的應得佣金。經歷了這次風波，路芙坦言對兼職殯儀感到十分失望，並表示：「你咁樣做就真係好離譜囉。我唔識講……未必係壓榨，我只覺得有好多大話囉。」她表示有從事此行業的朋友告知她，「出唔足錢」的情況時有發生，「我覺得呢個行業係有啲離奇囉。即係會做咗……cut咗你啲錢，或者唔畀錢，跟住搵藉口嚟推搪。」
