飲茶抽兩張檯頭紙巾秒變「大禍」！？搭檯事主被1句提醒嚇窒大呻「荒謬」網民揭非單一事件：尷尬到盡頭

更新時間：13:32 2026-09-07 HKT
發佈時間：13:32 2026-09-07 HKT

在香港酒樓飲茶，「搭檯」是不少市民的家常便飯，但狹窄的空間往往容易鬧出令人哭笑不得的誤會。近日有港人在社交平台 Threads 發文，分享自己與母親飲茶搭檯時發生的「極度尷尬」經歷——誤將對面茶客自備的抽取式紙巾當成酒樓免費供應，連抽兩張使用後才驚覺「闖大禍」，事件隨即引發大批網民熱烈共鳴，紛紛分享類似的搭檯出醜實錄！

飲茶誤當「搭檯客」私家紙巾為餐廳提供事主崩潰：好荒謬

有港人分享自己與母親飲茶搭檯時，誤將對面茶客自備的抽取式紙巾當成酒樓免費供應。 (AI 生成圖片)

事主在 Threads 發文憶述，早前與母親到茶樓飲茶時與兩名食客搭檯。當時見檯面擺放了一包盒裝抽取式紙巾，位置偏近對面兩人，事主母親隨即吩咐他「抽兩張嚟用」。事主順手拉近並抽取了兩張，豈料剛用完，對面的食客便表示「包紙巾係佢哋嘅」，令事主當場無地自容，崩潰直呼：「好X，點算好」。

更戲劇性的是，隨後事主母親不慎倒瀉茶，對面食客更極具風度地「再畀咗幾張紙巾我哋用」，令事主大感難為情，笑言「救命」。事主透露對面兩人為旅客，疑似性格內向（I人）：「難道我要破壞香港人嘅待客之道嗎？我阿媽用破爛嘅國語同佢哋傾咗兩句，佢哋已經好尷尬。」事主無奈大呻：「一擺喺度以為係餐廳提供，真係估唔到」、「好荒謬點解會咁，真係哭了！」事主隨後補充指自己當時已即時誠心道歉，並指自己身上只有半包已開封的 Tempo，且見對方點了滿檯點心吃不完，令他不知如何補償。

網民爆笑共鳴紛紛自爆搭檯「偷紙巾」黑歷史

網民紛紛自爆經歷，指誤用別人私伙紙巾「尷尬到盡頭」。（《愛回家》劇照）

帖文一出隨即吸引大批網民圍觀熱議，不少人直言抽取式紙巾極具誤導性：「抽嗰啲紙巾真係好容易以為係餐廳提供，乾紙巾真係好容易誤會。」更有大量網民「自首」，表示自己亦曾遇過一模一樣的尷尬場面：「我都試過！抽咗張紙巾出嚟，隔離位女士就即刻拎開包抽紙但無出聲，我再望下其他檯係無紙巾嘅……先發現原來係佢自己嘅，即刻係咁講唔好意思，諗起都尷尬到盡頭……」

亦有網民分享被「偷取」紙巾的經歷：「有次食飽準備埋單，隔離檯對情侶坐低，好順手抽走咗兩張，我一收返埋包紙巾，對情侶勁尷尬，不停講唔好意思。」有家長網民亦分享：「帶小朋友出街一定帶一包抽嘅紙巾，成日都有隔離檯抽走嚟用。一兩張當然唔介意，但試過食車仔麵成包畀人攞走去第度用，唯有冷靜講係私伙。」