西九龍Food Court是智商稅？港夫婦撐小店反遇「串嘴」店員因1細節怒斥：自問好好禮貌都一肚氣

更新時間：14:28 2026-09-23 HKT
發佈時間：14:28 2026-09-23 HKT

不少市民選擇於本地消費都會期望獲得良好的飲食及服務體驗。最近，有網民在社交平台分享早前與妻子前往深水埗西九龍廣場美食廣場用餐，本欲支持本地經濟兼順道約會，豈料遇到態度欠佳的店員，令兩人全程「一肚氣」，更怒斥1細節：「自問好好禮貌都一肚氣」！

港男偕妻支持小店反被店員「串爆」？

事緣，有網民於社交平台Threads分享，指自己與妻子週末前往西九龍廣場美食廣場用餐，原本打算光顧現場一間人氣意粉店，惟店員全程「一直㩒手機」，更以極不友善的態度反問：「『要等半個鐘你等唔等？』」事主形容店員當時一邊使用手機一邊幫客人落單，而且態度「串串貢」，令他心生不滿：「食個飯，會唔會態度太差呢？自問同太太好好禮貌，亦等佢玩完手機嘅間隔先行去落單」

事主透露自己亦曾從事飲食業，理解忙碌出餐時的辛勞，但當時職員「好明顯是在玩手機」，更指出「好幾間都明顯望我們有意落單，但都不屑一顧」，讓他質疑員工是在「幫老闆倒米」，無奈表示：「叫我地點幫襯呢？」事主指該小店餐點訂價約$50至80，食物質素雖屬合理，惟現場衛生狀況成疑，「6、8樓未走到入去已經有陣臭味」，整體環境令人「好唔開胃」。他強調「自問同太太好好禮貌」，「無其他要求，只係行埋去拎錢想買食物」，最終卻買來一肚子氣，怒斥「西九龍food court係智商稅」，並直言：「無下次，有時間都唔會再來，外面更多同類餐廳，寧願qr code落單都唔需要受氣」。

網民：典型香港小店，串串貢好正常

帖文引起網絡熱議，有網民指這是「典型香港小店，串串貢好正常」，甚至會反諷顧客「幾十蚊想點？叫你去五星級酒店食」，亦有人狠批「態度X真係趕客，但有啲人就會話野食好食就得，心諗有冇咁M（喜歡受虐）呀而家啲香港人。」

不過也有人提出：「公道講句，意粉果間野有做手機落單先用電話覆客，而且問你等唔等係因為真係好多客而要等好耐，唔想你唔知要等咁耐到時等等下話唔食退錢姐，繁忙時間要等成個鐘添」事主回覆並補充自己親眼目睹職員「手機螢幕不是在通訊」，而且「主要是態度『串串貢』，『咁你等唔等啊？』唔講以為我得罪佢，唔止呢間，有好幾間態度都係差。」

來源：Threads