菜價平到嚇親！安達臣新街市$10買10份菜？ 街坊驚呼「第一次見」
發佈時間：11:58 2026-10-15 HKT
觀塘安達臣道新發展區最近有新商場開幕，有網民發現，商場內的街市菜檔竟推出「$10蚊10份菜」的驚人優惠，引來全城熱話。不少街坊表示前所未見，大讚抵買；但亦有網民憂慮食品安全，質疑「咁平係咪有伏」？
領達廣場菜檔震撼價 $1一份菜街坊難「忍手」
近日有網民於社交平台Threads發帖，分享在觀塘安達臣新屋邨街市的「驚人發現」。從他上傳的相片可見，一個菜檔掛上「$10 10份」的價錢牌，前方擺滿一籃籃翠綠的蔬菜，標示著一元一份的超低價格。事主在帖文中笑言，本來只想簡單買條魚當晚餐，但太太看見如此優惠，「又忍唔住手」，大手購入多款蔬菜。作為「食肉獸」的他對此感到「非常無奈」，更開玩笑說：「今晚冇得做食肉獸」。
該菜檔位於新街市內，環境光鮮簇新。雖然正進行促銷，但菜檔內仍然有大量存貨，並非臨近收市只剩「菜頭菜尾」。而且菜款選擇不少，包括油麥菜、菜心、白菜等。從外觀看，大部分蔬菜都相當新鮮，菜葉翠綠，未見枯黃或枯萎的痕跡，質素似乎不俗。
街坊網民熱議：噱頭定係黑心菜？
帖文一出，隨即引發網民熱議。不少人對價錢感到驚訝，紛紛留言「第一次見10蚊10份」、「咁恐怖？」，認為價錢實在低得不可思議。有經驗的網民則分析，這可能是菜檔的「收工價」，但一般收市促銷也只是「十蚊三、四份」，從未見過「一蚊一份」的震撼價。
不過，如此「蝕本價」亦引來部分網民的質疑。有人留言提醒：「呢啲菜賣得咁平，只有你買錯，商家唔會賣錯」，擔心平價背後另有文章。更有網民直指，這些可能是「國內好多毒農藥嘅菜」，擔心食安問題：「睇見都驚」、「食得多，好易有病」。然而，亦有網民持相反意見，反駁稱：「賣貴啲都係同一批菜」，認為價錢與品質或來源地無必然關係。有較理性的網民則推斷，這很可能是商場新開張的宣傳策略，「新街市新開搞下噱頭，點會日日都係咁賣」，旨在吸引人流，製造話題。
翻查資料，該街市位於安達臣道新發展區，是領展旗下全新商場「領達廣場」（The Anderson）內的安達臣街市（FRESH PARK）。該商場於10月6日開始試業，而街市佔地約27,000平方呎，由「香港街市」營運。除了傳統的乾濕貨攤檔，場內更設有美食街，為區內居民提供一站式的購物及餐飲選擇。
圖片來源：aquabb2018＠Threads
同場加映：麥當勞「全港第二高海拔」分店開幕！進駐西貢安達臣領達廣場 食薯條睇日落打卡 街坊讚︰個view好正
