將軍澳南成區內「結界」？港人列3點激讚似市區版愉景灣網民認同：真係好好住！

更新時間：19:27 2026-08-18 HKT
發佈時間：19:28 2026-08-18 HKT

香港地少人多，市區密集的人口往往讓人感到侷促。不過，最近有網民於社交平台發文，指行經將軍澳南（將南）一帶時，感覺猶如進入「結界」，形容「成個area嘅vibe好似去咗條resort咁」，更列出3點激讚該區有如「市區版愉景灣」。帖文引起網民熱議，有區內居民亦表示：「真係好好住！」

將軍澳南成區內「結界」？港人列3點激讚似市區版愉景灣

最近，有港人於社交平台發文，分享每次到訪將軍澳南一帶（將南），都有種進入「結界」的感覺，形容整個區域的氛圍讓心如置身外國度假村，驚嘆：「一啲都唔似香港，有種市區版嘅愉景灣」。

樓主列出3點大讚將軍澳南區，表示區內空間充足，「行到邊都好闊落」，而且給人一種放鬆的感覺；又指區內有一種自己偏好的「大西北貼地平民feel」，加上的寵物與兒童友善的配套，有感「將南真係贏晒」。樓主認為香港各區定位不同，而整個西貢區予人感覺亦不差，「屯門同西貢區嘅好感度，暫時其他區仲未俾到我，寧願入新界都唔過海」。

網民認同：真係好好住！

帖文引起網民熱議，不少街坊及網民認同樓主的說法，有網民形容該區的規劃與環境設置都仿如置身外國，「第一次去將軍澳南𠴱陣，見到大馬路中間排棕櫚樹，再望到好闊嘅海同天，覺得自己好似喺California（加州）」、「自從開咗將軍澳南，就好少去赤柱西貢」、「將軍澳真係好好住，沿海密度唔高，行入少少有幾個大商場，單車生活圈可以去埋坑口寶琳，返唔到轉頭」。

不過，網民指出每到假日，區內人流大幅增加，反而失去原有的寧靜感，「將南幾chill，但係好曬、好熱、好多小朋友、好多外來人，夜晚啲單車好嘈」、「依家勁多人入嚟唔係放狗就踩單車，一到星期六日嗰種人多程度都幾令人煩厭」、「stay喺將南或海濱係ok，一入返內陸啲就唔係咁」。同時，也有網友指出該區環境雖然舒服，但食肆選擇不算多，「平民食嘢選擇唔算好多，Donki嗰邊好啲但多人，另一邊藍塘澳就選擇少啲但人少靜啲」，與其他地區相比各有優缺。

文：RY

資料及圖片來源：Threads