內地網購蒸焗爐中伏！拆機驚現零件失蹤 1物當變頻板極荒謬維修師傅嘆：無能為力

更新時間：13:16 2026-09-23 HKT
發佈時間：13:16 2026-09-23 HKT

近年不少港人會在內地網購平台購買日用品，也有人會透過此渠道入手高性價比的家電。然而，跨境網購電器除了要面對保養及安全問題，更隨時會遇上騙局？近日，有本地電器維修專門店在社交平台分享，指有客人經內地網購平台購買一部蒸焗爐，豈料通電後即亮起故障編碼，直至維修師傅拆機檢查時，更發現大部分核心零件「失蹤」，甚至連最關鍵的「變頻板」也被人換成一樽沙！事件曝光後令無數網民感震驚，再次提醒「電器真係要安全為上！」

內地網購蒸焗爐中伏！內部零件「失蹤」變頻板遭換成一樽沙？

日前，本地一間電器維修公司在社交平台分享案例，指有客人在內地網購平台購入了一部「東芝（Toshiba）的蒸焗爐」，然而一通電後隨即出現「H54 error（故障編碼）」，於是決定將其送往店舖維修。

然而，當維修師傅拆開機殼檢查時，發現內部大部份零件已經被人拆走，更甚的是「變頻板亦都變咗做一樽沙」。從分享的照片可見，原本應為電路板與變頻控制器的位置，竟然被放入一個裝滿黃沙的膠樽，估計是賣家用作冒充變頻板的重量。面對這部幾乎只剩外殼的「蒸焗爐」，師傅只能無奈坦言：「我地想維修都無能為力了。」

網民呼籲勿貪平：電器真係要安全為上

帖文公開後，隨即在社交平台引起關注，不少網民紛紛笑稱「大開眼界」，留言表示：「心諗咩叫一樽沙，睇完相，真係一樽沙」、「好彩無爆炸」、「算好有良心，仲有個殼同部份零件，唔係開箱見到一堆石頭」。此外，有網民坦言「插電仲有反應算好勁」，惟好奇「拆左啲零件有乜用？」對此，維修公司解釋：「零件可以配去其他機用，好似器官移植咁」。

與此同時，不少網民亦藉此警惕跨境網購大型家電的潛在危機，直言買電器必須安全至上，不應盲目貪平：「希望大家明白，電器真係要安全為上，唔好貪平，有事時分分鐘影響埋鄰居」、「買電器梗係要安全至上，點可能相信淘寶貨」、「希望share到俾啲仲相信喺大陸買電器嘅人睇。諗住買牌子嘢冇問題？Toshiba夠出名啦，打開竟然係一樽沙，可以趁機會學吓四字詞語『名不符實』、『因小失大』，最緊要學識嗰句係乜嘢？『光棍佬教仔，便宜莫貪』呀！」

來源：battery__hk@Threads