東京8天遊拒夾公數輪流請客 港男慘墮「找數黑洞」蝕萬円求救 同行團友竟現身開火對質？｜Juicy叮

去旅行是檢驗友誼的最佳試金石？有網民在連登討論區發文，指正與3名友人展開東京8天之旅，大家拒夾公數，「一人請一餐」，豈料才到第3天，整個旅程已演變成一場精心計算的「博弈心理戰」，事主更慘墮「赤字黑洞」，引發熱議，更最終引來兩名疑似團友現身開火對質。

一句「咪咁計較」成萬劫不復之始

樓主在連登討論區以題為「旅行唔夾公數，今餐你下餐我，鬥智鬥力咁，好Ｘ刺激呀」發帖，表示正與3名好友前往東京展開8天之旅，出發前因同行友人一句「出嚟玩咪咁計較」而放棄傳統的「公數袋」制度，改為輪流請客，朋友堅持「個雞碎咁多錢，今餐我下餐你咪得囉」。

眾人滿以為這種輪流請客的方式既瀟灑又省卻繁瑣的找續手續，殊不知這正是萬劫不復的開端，來到旅程的第三天，事主在心血來潮之下埋單核對開支，赫然發現自己不知不覺間已錄得負一萬一千三百四十日圓的差額，折合約五百多港元，驚覺自己慘成冤大頭，唯有在網上發文急問如何追回差價：「有無巴打教我點追數？」

事主公開前3天消費明細一覽：

• Day 1：晚餐 新宿居酒屋 (刺身/串燒/酒) 約 22,000日元（約港幣1080元）
• Day 2：早餐 便利店 約 2,000日元（約港幣98元）
• Day 2：午餐 拉麵 約 6,000日元（約港幣294元）
• Day 2：下午茶 甜品 約 3,500日元（約港幣171元） 
• Day 2：晚餐 (事主找數) 燒肉加酒 (重傷) 約 25,000日元（約港幣1227元） 
• Day 3：早餐 便利店 約 2,000日元（約港幣98元）
• Day 3：午餐  定食店 約 7,000日元（約港幣343元） 

仔細盤點前三天的飲食開支，便能看出這個付款制度的漏洞所在。事主無奈表示，由於第一晚由提議輪流付款的友人「身先士卒」付了約22,000Yen（約港幣1080元），但自己卻好死不死碰上了第二晚最昂貴的「燒肉加酒」（約25,000Yen，港幣1227元），直接令差額直線飆升，成為全團負擔最沉重的一人。

4人同行一日4餐的「數學陷阱」？

帖文引發大批網民留言拆解破局，指出4個人輪流請客根本是個「完美的數學陰謀」：「4個人輪流畀，一日啱啱好食4餐，係咪即係樓主每日負責畀晚餐？」「好似啲偵探故咁，到最後發現某個朋友一定只踩到早餐同下午茶呢兩樣最平嘅畀錢機會，原來一切都係計劃好晒。」有心水清的網民更道出盲點：「『唔計較』永遠應該係由出錢多嗰個講，而唔係出得少嗰個講。」

「即時戰報」波瀾壯闊：絕望中見「反Cup」曙光？

事主其後在帖文中持續發布「實況戰報」，紀錄這場驚心動魄的「追數拉鋸戰」，在第三晚吃完壽司後，負數一度收窄至八千三百八十八日圓，第四天吃完早餐後更追近至負七千一百八十八日圓：

• Day 3 晚（食完壽司）： 「剛剛食完壽司，追返近少少，負數8,388 Yen（約港幣412元），反 cup 正數有望！」
• Day 4 早（便利店＋早餐）： 「食完早餐，再追近少少，負數$7,188（日元）（約港幣353元）。」
• Day 4 午（鰻魚飯逆轉）：「唉，碌柒咗，頭先食完鰻魚飯，又被拉開，負數$11,700Yen（約港幣574元）！」

可惜好景不常，午餐吃完高檔鰻魚飯後，赤字再度被拉開至一萬一千七百日圓。事主唯有寄望當晚有團友認頭支付夜生活秀場的昂貴入場費，賭一把能否絕地反勝。

疑似同遊好友現身開火：「少少嘢擺上網？」

高潮迭起的是，帖文途中竟然疑似引來同行團友現身留言對質，該疑似團友憤怒爆粗留言，怒斥事主相識多年難得一同出遊，卻為少許金錢問題在網上公開抱怨：「Ｘ你大家識咗咁多年難得夾到時間一齊去旅行，少少嘢就擺上連登！得囉，嚟緊呢幾日你唔使畀，我哋幾個share晒咁你滿意未？」

該團友甚至翻舊帳指早前全團特意抽空陪伴事主前往台場，最終事主卻一無所獲浪費大家時間，並揚言餘下幾天會由其他人分擔所有費用，警告事主不要再跟他們說話：「講起就嬲，早兩日就係特登就你一條友去台場睇嘢，我哋其實都冇嘢要買，幾條友特登晏晝陪你過去，最後你仲要冇嘢買，嘥Ｘ晒大家啲時間！」

另一名疑似團友亦留言喝斥：「我都feel到你唔順，估唔到你真係上嚟開post，你之後幾日唔好同我哋講嘢啦。」雖然有關留言無法證實是否真正團友，但充滿火藥味的對話令網民驚呼「今次真係旅行現形記」、「未返香港就已經準備絕交」。

網民教路：旅行避伏「三大防反面守則」

這場「一人一餐」的鬧劇引發廣大網民共鳴，不少網民紛紛總結出與朋友出遊的防伏守則，包括一「落地」即採用實體「公數袋」，「落地第一天每人各出20,000至30,000Yen 放入『公家銀包』，專門支付共用開支（大圍食飯、搭車、入場券）。用盡再籌，最後一日有剩在機場平均退回或食餐好。」

有網民則建議善用分帳App記帳，「每餐拍照記錄金額與參與人數，最後一鍵自動結算誰欠誰錢，透明均真」。有網民又指可用「平嘢一人一餐，貴嘢大家 AA」和其他團友共同分擔開支。

來源：連登討論區

延伸閱讀：旅行團風光不再？逼爆照揭三大不敗神話引熱議：後生仔都爭住報？