懶外傭無放狗 屋企驚現20篤屎 一理由反鬧僱主：咁少事都要嘈 擅自決定放長假更離譜......｜Juicy叮
發佈時間：15:42 2026-09-17 HKT
有不幸的僱主近日在網上痛斥家中外傭偷懶不放狗，導致屋內驚現20篤狗屎。問罪時更被外傭以一理由駁嘴反鬧：「咁少事都要嘈」。更令僱主崩潰的是，外傭平日工作散漫，日前甚至先斬後奏擅自決定放聖誕長假，囂張態度惹起全網僱主不滿。詳情見下圖及下文：
懶外傭無放狗 屋企驚現20篤屎 一理由反鬧僱主：咁少事都要嘈 擅自決定放長假更離譜......逐張睇↓↓↓↓
屋企驚現20篤屎
樓主早前（13日）在社交平台Threads以「工人姐姐」為題發帖，分享自己「尋晚返到屋企，4隻狗屙咗20篤屎」，心知不妙下「Check返個cam（閉路電視）真係冇放狗」。
今朝樓主質問對方時，外傭直認「係，冇放」，並以「你話鬼節唔好出街」為由辯解。樓主直斥對方在鬼節期間明明「日日帶啲狗落街、行山，夜一夜都唔返屋企煮飯」，怒轟對方「宜家你講緊咩」，對外傭的荒謬藉口感到極其無賴與勞氣。
更令樓主氣憤的是，外傭隨即反客為主發脾氣，大聲喝斥樓主「你夠啦，我今日放假，咁少事你都要嘈，你平時成日好多要求，我都冇話過你」。
樓主直言「大佬，佢已經hea（散漫）到乜」，平時「一日都唔使煮到一餐，淨係放狗、執屋，仲要都唔係真係好乾淨，我都冇嘈過佢」。
樓主最後向外傭下達通牒，表明如果想辭職就「俾一個月通知我，唔好喺度發神經」，並透露對方已「先斬後奏買咗機票放聖誕節假，逼我同意」。
網民力勸即炒
貼文引來網民熱烈討論，網民大都替樓主抱不平，力勸樓主「炒啦」、「直接賠錢炒」以及「未經同意放假就係曠工啦，炒得」。
有網民好言相勸，提醒樓主「小心狗的生命危險」，直言將這麼多狗隻交託在這種人手上極度危險。
網民認為外傭態度惡劣，直言「工人啲態度反應成個廢老公咁，咁多人質狗質喺佢手，最好換咗佢啦」。也有網民大嘆聘請工人真的非常無奈，直言「真係畀錢買難受」。
有人特別提醒樓主「佢煮嘢你敢唔敢食」，勸樓主「一係直接賠錢炒，一係和氣啲啦」。
資料來源：norest_combo＠Threads
相關閱讀：
請工人湊仔就要揸頸就命？ 死忍黑面全能外傭8年成日鬧交 港媽決心換人結局意想不到
公屋外傭跳槽中產家庭 現僱主呻爆：離職前變臉「咁樣」駁嘴 網民點出拒交戲殘酷真相
滿分女外傭驚爆雙面生活 偷著男僱主衣服「做一事」 苦主崩潰想炒 老婆竟反常護航？
