搭巴士陌生人揀位暗藏玄機 路人坐你隔離代表信任？ 網民公開「搵位3大黃金法則」｜Juicy叮
發佈時間：15:34 2026-09-26 HKT
搭巴士也是一場心理戰。陌生人揀位暗藏玄機，路人坐隔離代表好有安全感，更是一份隱形的信任和認可？網民有共鳴的同時，更大方公開車廂求生必讀的「搵位3大黃金法則」。詳情見下圖及下文：
搭巴士陌生人揀位暗藏玄機 路人坐你隔離代表信任？ 網民公開「搵位3大黃金法則」逐張睇↓↓↓↓
樓主：坐隔離係一種認可
樓主早前（18日）在社交平台 Threads發帖，大談自己微妙的搭巴士日常心聲：「有冇人覺得有個路人揀巴士坐你隔離，其實係一種認可／信任，即係有種你令人覺得安全嘅感覺。」這番敏感細緻的看法，釣出大批「同路人」，有人留言直呼「講中我呢啲敏感人」。
網民對此大有共鳴，有人直言：「揀你問路都係一種認可。」也有人自豪表示「明！尤其係靚女坐隔離」；亦有網民大方剖析自己的「小劇場」，笑言只要有人願意坐低，就代表「即係我嗰日唔臭，安心晒」，甚至有人坦言「會安心喺人哋眼中我可能唔係肥X，因為自己覺得自己係肥X」。
網民：越早有人坐隔離排名越高
有眼利網民將此升華為心理戰，直言當窗口位爆滿，「越早有人坐隔離就覺得本次排名越高」。更有人精闢總結「其實真係會揀坐邊個隔離，就算只係一程車都想要片刻安寧」。
不過，總有網民一針見血戳破幻想，直言樓主「諗多咗」，點出極度殘酷的真相：「唔好諗咁多，可能只係其他位嘅人更 Kam（奇怪）。」亦有網民附和：「別想太多，只是其他位置旁邊的人更噁（噁心）。」
當然，也有不少享受獨處的網民坦言「我好憎人坐我隔離」，直言「唔會，我淨係諗，點解要喺我隔離，有人坐我對面就冇所謂」。
有女網民則心有餘悸指出，這份安全感有極大限制：「嗰個人一定要係女仔，之前試過畀個變態佬抽水所以驚X咗。」有人則拋出終極靈魂拷問：「如果成車都冇人都要坐你隔離呢？」惹得網民大笑：「如果全部有人坐咁啱我隔離無人，我覺得自己有問題。」
網民嚴選「搵位3大黃金法則」
精明的網民還大方公開車廂生存必讀的「搵位3大黃金法則」：
第一大黃金法則，正是最直覺的「重瘦小，走肥臭」定律。有網民精闢指出，大家在車廂中只想尋求片刻安寧，所以上車搵位時，會下意識避開體型龐大、散發汗味或香水味濃烈的乘客，並優先選擇乾淨、安靜且體型瘦小的人作鄰座，避開所有嗅覺與觸覺災難。
第二大黃金法則，則是殘酷的「受歡迎排名」測試。網民笑言，當全車單人窗口位全數爆滿的那一刻起，車廂內的無形競賽就正式開始。此時，哪一個人的身旁最快有路人願意坐低，就代表哪一個人的「安全感排名越高」，越遲被選中的人，在路人眼中就可能看起來越危險。
第三大黃金法則，更是揭開了被選中的終極真相——「不選最心儀，只選最不 Kam」。網民直指，有人願意坐在你隔壁，並非因為你散發出安全感或魅力，純粹只是因為「其他位置旁邊的人更奇怪、更噁心」。這份認可，其實只是認證了你「看起來最像個正常人」而已。
資料來源：hyc.302_kk＠Threads
相關閱讀：
巴士「一企位」暗藏破財陷阱？港女企這位置誤失雙倍車資：爆滿照上最易中招 有人一程被扣3次錢
搭巴士遇滿分長者 暖心讓座．調校冷氣 港女表揚有修養「甲蟲匙扣」婆婆 網民睇相竟點出一大瑕疵？
辣妹變身巨嬰坐男子大髀 巴士上層疊羅漢式共享座位 網民鬧爆：唔知醜
