屯門伯伯險遇騙「唔識用ATM」救一命 正義妹妹截擊與騙子對質 揭假期貨騙局｜Juicy叮
發佈時間：10:42 2026-10-18 HKT
屯門蝴蝶廣場昨日（17日）發生驚險 ATM（櫃員機）轉賬投資騙局。一名 78 歲伯伯在過數邊緣被身旁「正義妹妹」及時攔截，更因「唔識用ATM」逃過一劫。
「正義妹妹」當場與騙子對質，事後於網上公開這宗假期貨電騙案，「希望全港嘅市民都可以睇到呢個post !!!!!!」，直指騙子提供的過數戶口藏著極大蠱惑……詳情見下圖及下文：
屯門伯伯險遇騙「唔識用ATM」救一命 正義妹妹截擊與騙子對質 揭假期貨騙局逐張睇↓↓↓↓
樓主：伯伯問點樣可以入錢畀人
熱心的樓主昨天在社交平台 Threads以「屯門」為題發帖，還原在櫃員機前，及時截擊的驚險一幕：
「（住碼頭區）伯伯請教我點樣可以入錢畀人🙂↔️ 即時感覺不妙……真係詐騙😢😢 好彩地畀我截住再同個騙子嘈！更好彩地係個伯伯唔識得用櫃員機過數！！」對於與騙徒對質的過程，樓主其後補充回應，解釋：「同詐騙嘈交都係 WhatsApp（通訊軟件）入面」，又稱：「我直情打畀佢，佢都唔聽我電話」。
網民追問行騙手法
網民追問行騙手法：「伯伯係點畀人呃？」，樓主透露是經通訊軟件的假投資騙局：
「都係經 WhatsApp話係上海期貨交易所投資！但嗰個網站並唔係我網上 Search（搜尋）嗰個網站嚟。然後每次轉賬，都係一個私人戶口號碼……仲要係大陸人拼音名嚟🙌🏻🙌🏻」
樓主隨即幫伯伯封鎖騙徒電話並耐心重複解釋。她心有餘悸擔心伯伯早已上過當，亦感嘆伯伯似乎不敢跟家人提起，呼籲大家也要多關心身邊長者。
網民激讚：好人一生平安
貼文引來網民激讚，指樓主功德無量：「正義妹妹，做得好！」、「多謝你幫咗伯伯，好人一生平安！」、「多謝你嘅善良，功德無量」。
不少人直言騙徒手法層出不窮，幸得樓主行多一步攔截。網民亦立刻幫忙轉發：「轉發咗，fwd（轉寄）埋去 FB（臉書）群組，要多啲老人家睇到！」、「推啊！希望唔好有人教佢點入錢」。
樓主：好彩伯伯聽勸
有網民擔心長者執迷不悟，轉身可能再次落入陷阱：「唉！佢最後有冇信你對家係詐騙？驚佢轉頭又去問第二個點過數。」
幸好，樓主回應指伯伯非常聽勸：「有呀！！真係慶幸呢一個伯伯相信我！我最後封鎖詐騙兩個電話號碼……然後不斷地重複同佢解釋，之後亦都會有更多詐騙聯絡佢，希望佢唔會再過錢畀佢哋！！」
而為防老人家再次受騙，樓主在帖文中順便發起尋人，透露伯伯有一仔一女（女做空姐或地勤，兒子正去日本旅行），希望其子女知悉事件。
資料來源：bellefong＠Threads
相關閱讀：
屯門大叔ATM前手揸大疊$500險中伏 醒目女與路人一秒對望 聯手截擊拯救準苦主
連ATM card都無！75歲長者竟被銀行連開3張信用卡 仔女怒斥：防騙仲要防銀行？
女長者排櫃員機求幫忙撳數 港男拒絕後續疑有詐 慨嘆：「魔高一丈！」
