譚詠麟狂操成功減走17磅肥膏 《東周刊》獨家直擊獲長髮中女貼身打氣 全程照顧周到
發佈時間：08:00 2026-09-01 HKT
剛迎來76歲生日的「樂壇校長」譚詠麟，即將於9月在紅磡香港體育館舉行《譚詠麟與您「刻骨銘心」世界巡迴演唱會–終極篇》。最新一期《東周刊》獨家直擊，向來女人緣甚佳的譚詠麟，早前隨香港明星足球隊練波時，獲一名長髮中女在場邊全程貼身照料。該名長髮女子不僅在觀眾席為譚詠麟看管隨身物品及落力加油，當譚詠麟練波完畢後，更即時送上礦泉水解渴、窩心遞毛巾抹汗，甚至在譚詠麟穿上外套準備離開時細心整理衣領，全程護駕並貼心服侍。在長髮中女的全程打氣下，譚詠麟在球場上表現勇猛，頻頻衝前搶攻射波，操足兩小時依然龍精虎猛，隨後兩人更一同登上七人車座駕出發前往茶聚。
譚詠麟為演唱會努力減肥
有「食物焚化爐」之稱的譚詠麟自稱「年年25歲」，近年身形逐漸發福，大肚腩更一度成為網民熱話。由於今次紅館演出是譚詠麟最後一次大型演唱會，為了以最佳狀態登上四面台演繹兩套主題歌單的經典金曲，譚詠麟扚起心肝展開地獄式減肥計劃。除了相約隊友練波踢足兩小時，譚詠麟更堅持練跑一個多月，甚至在跑街時險生意外；配合嚴格飲食控制與做機療程，譚詠麟將食量由過往的「掃清光」逐步縮減至六分飽以至每日一餐，成功於短時間內甩掉近17磅肥膏，誓要踢走大肚腩。
相關閱讀：譚詠麟76歲生日會星光熠熠 曾志偉狄波拉玩到癲 阿叻獻60年珍貴兄弟照：以後生日都有我
譚詠麟兒子譚曉風將帶女友返港捧場
日前譚詠麟出席宣傳活動時身形明顯清減，大肚腩已消失不見，他透露目前距離目標體重尚差數磅。對於外界關注個唱定名「終極篇」是否健康亮紅燈，譚詠麟澄清身體狀態良好，承諾會繼續唱到80歲，未來只會轉以小型演出、粉絲聚會或慈善形式與歌迷見面。此外，譚詠麟更透露兒子譚曉風屆時將帶同女友返港捧場，對未來新抱十分滿意；待完成大型巡迴演唱會後，譚詠麟表示會把更多時間留給自己、家人及朋友，好好享受人生下半場。
相關閱讀：譚詠麟爆兒子拍拖下月返港睇騷 滿意未來新抱 睇齊韓星價叮囑勿買黃牛
想睇最新一期《東周刊》詳細報導，即刻點擊：https://bit.ly/4hZc5nO
譚詠麟家庭照逐張睇：
