周家怡挑战考赛车牌出意外急送院痛到行唔到揭伤势现况公开出事一刻直呼恐怖

更新时间：18:00 2026-09-05 HKT
发布时间：18:00 2026-09-05 HKT

近日YouTube节目《恨驾女团》邀请曾连续夺得香港房车锦标赛总冠军、并在多项亚洲及世界级赛事中取得佳绩的香港知名赛车手卢思豪，为周家怡、李靖筠（Gladys）及海儿三位女将进行特训，挑战考取赛车牌。但特训期间周家怡不幸发生意外，需送往医院治理。

周家怡直认当刻感觉恐怖

原来周家怡为了做赛车手，事前安排了连串体能训练：「操咗十几日，过程可能攰得滞，跟住就整到条腰。我做一个动作，好似Hyrox推wall ball，我接个波嘅时候上身唔够力，个波就撞咗落去，撞正我椎间盘个位，咁样就必咗出嚟。」周家怡直认当刻感觉十分恐怖：「直程唔行得，好恐怖㗎𠮶吓，我直程觉得：『哗！拣中咗我！』」

在影片中，周家怡躺在医院病床上被问到入院原因，她最初笑说：「休息吓啰。」后来她解释受伤经过，一脸无奈地说：「因为真系痛得好紧要，即刻入咗医院，变咗无奈地（拍摄）要停。本来为咗安全起见，曾提议取消整个企划，不过我觉得咁难得开咗个头，我唔知大家想唔想，但我都好想嘅，哈哈。我就觉得不如搞啦，唔好停啦。老人家成日都话筋骨100日就好，咁睇吓3个零月系咪再好啲啦。」

幸好一个月后，周家怡康复进度良好，已经可以开车：「唔受伤都唔知道，原来平时一啲好简单嘅嘢，都好值得感恩可以平时咁样活动。我受伤之后，连去洗手间坐低都觉得呢个任务好艰辛。」

周家怡在3个月后终于回归大队

周家怡在3个月后终于回归大队，她表示物理治疗师指她已康复超过九成：「喺安全情况下，戴腰封系完全冇问题，系可以赛车。」Gladys亦于这段期间考获棍波牌；团队随后正式出发前往肇庆广东国际赛车场进行实地赛道特训。

周家怡受伤的影片曝光后，不少网民留言慰问及担心她的状况：「估唔到家怡呢次会出意外！祝早日康复。」、「家怡情况严唔严重？保重身体，休息多啲，早日康复再拍多啲好节目。」、「我都好似你咁受伤过，千祈唔好做粗重嘢，我要戴两个月腰封，祝早日康复。」、「等啲的士师傅传授分享吓畀家怡姐姐喇，平日见驾驶座没有护腰设备，用毛巾圈起一个圆柱体，放喺座位尾角边位护腰，长时间揸车都冇咁伤。」

昨日（4日）周家怡于社交平台发文报平安，叫大家不用担心：「多谢各位问候，受伤已经系之前嘅事嚟啦，只系因为《恨驾女团》啱啱出呢一集，所以会令大家误会，唔好意思要大家担心，我冇嘢呀，好腰好肾好女人呀！」