黄淑仪曾遭冯淬帆拒见 飞台湾食闭门羹成终身遗憾 陪去夜总会箍煲惨被前夫怀疑出轨
发布时间：10:00 2026-09-24 HKT
70年代「四大花旦」之一的「Gigi姐」黄淑仪自2019年离开TVB后幕前工作大减，本来过着半退休的生活的黄淑仪近日进军YouTube界，与好友杨绍鸿在YouTube主持节目《岁月友情人》，日前播出的一集，谈及已故旧拍档冯淬帆（谨哥）。当年仅 19岁的黄淑仪在1968 年与冯淬帆合演TVB首部自制长篇电视剧《梦断情天》，两人一炮而红，更被全港观众封为「萤幕情侣」。当时黄淑仪青涩稚嫩，全靠性格严谨、工作认真的冯淬帆在旁悉心带领，才让她一步步蜕变成演技派天后。
黄淑仪坦言「闭门羹」事件令她深感遗憾
冯淬帆晚年移居台湾，生活极其低调，黄淑仪多年前曾专程飞往台湾，希望能与老拍档聚旧，没想到却吃了「闭门羹」。消息传出后，外界猜测二人关系生变，但黄淑仪随后澄清，冯淬帆晚年饱受肺病折磨，性格傲骨、爱面子的他，「最不希望朋友见到自己病恹恹的脆弱模样」，所以才选择躲起来。今次在节目上重提往事，黄淑仪坦言此事令她深感遗憾。
相关阅读：汪明荃死敌因身体特征遭导演嫌弃要求「剥掉」 坚拒为星途就范：我宁愿唔做
黄淑仪在节目重提当年食「闭门羹」一事
冯淬帆晚年健康出现问题，冯淬帆曾表示：「咩病都有，冇咩严唔严重，每科医生都睇过，糖尿病、心脏病、贫血等等，无所谓，我都老喇。」到了2025年5月，冯淬帆在社交平台透露自己身体不适入院，并需要依赖氧气机生活，可惜在10月31日，冯淬帆的生命指数急剧下降，在多年好友陪伴下，走完人生最后一段路。黄淑仪在节目重提当年食「闭门羹」一事，她感慨地说：「呢件系我好遗憾，又想闹冯淬帆嘅一件事。𠮶阵你（杨绍鸿）话要去台湾，咁啱我又喺香港，又得闲，我记得好似4月1、2号，佢就话呢3号出验身报告，就话3号之后先至见我哋。结果3号打电话畀佢，佢同你（杨绍鸿）讲『都话咗唔见咯』，我冇佢个联络，系你仲同我讲：『你以后呀，唔好话畀香港人听呀，话我点点点唔舒服呀，唔使佢哋嚟探我呀。』咁你呢就话：『唔系㖞，黄小姐喺加拿大飞嚟㖞，你再讲你信唔信我拉黑你呀嗱？』。」黄淑仪坦言当刻觉得愤怒：「我专程去台湾都探佢，见下佢，话晒佢都系我第一个萤幕上嘅男朋友呀，我心爱嘅爱人嚟㗎嘛。我真系好想见下佢，我真系好敬仰佢，但佢唔肯见我，咁我𠮶次真系白行一趟。」
杨绍鸿不太清楚冯淬帆的病情
杨绍鸿说：「我理解呀，因为佢之后都有同我讲，『唔该你以后唔好带啲人过嚟，你先同我讲，我唔系个个见㗎。我净系见边个边个边个』，佢数咗唔系好多个名，十只手指数晒都冇咁多，佢嘅脾气系咁。原来谨哥check到佢身体有事，佢不嬲都觉得自己好强壮㗎，应该唔会有咁多问题出现，同埋佢条腰骨好痛，痛到佢好辛苦。所以我每一次过去，都带啲膏药畀佢。」不过杨绍鸿不太清楚冯淬帆的病情，因为他确实鲜有向朋友公开，而最令杨绍鸿感到心悒，是在灵堂上见冯淬帆的最后一面：「我最唔expect 𠮶样嘢呢，就出现喺我眼前，就系喺灵堂度，我唔谂住系会瞻仰遗容㗎。点知有呢个仪式，啲人个个喺度望佢最后一面。我望唔到呀，真系顶唔顺。你知啦，一个人走咗系会变咗形，我返到酒店几日都唔安乐，几日都冇出街，跟住我就写咗一首歌，就系张德兰帮我唱咗𠮶首叫〈惜缘〉，纪念我呢位恩师。」
相关阅读：冯淬帆辞世享年81岁 曾醒明证挚友噩耗：深感难过痛惜！5月曾入院依赖氧气机生活
黄淑仪与冯淬帆食饭遭刘芳刚误会
黄淑仪曾与比自己年长21年的导演刘芳刚结婚，惟婚姻只维持了8年便告终，黄淑仪说：「有一次呢，我哋收工佢就话：『陪我去坐吓啦。』佢带咗我去尖沙咀一间夜总会，原来喺枱上面唱歌𠮶个系佢女朋友，呢间系正经嘅夜总会，冇小姐陪坐𠮶啲。佢就同个经理讲：『阵间请温小姐落嚟。』呢个温小姐系佢台湾嚟嘅女朋友，佢介绍咗畀我识，好彩我识啲国语啦，同佢沟通啊，好好倾啊咁样。冯淬帆跟住就话：『我送只戒指俾佢，佢掟咗落窗。』我仲讲笑话下次话我听，等我喺后面接住，钻石戒指㖞。𠮶晚缓和咗啲气氛几好，然后送我返花墟先，再送温小姐返屋企。」黄淑仪坦言「累死我」：「原来刘芳刚已经打电话去问𠮶日收工系几点钟，点解我仲未返到屋企？然后望落去，见到有个男人送我返嚟？𠮶阵温小姐同我坐喺后边，佢坐前头。然后我落车𠮶阵时，佢就开咗门，佢坐返去后边。我上咗楼刘芳刚就问我系边个，我咪话同阿谨，同佢女朋友『箍煲』，但系刘芳刚唔信。佢睇见个top shot咋，唔知𠮶个系冯淬帆嚟㗎嘛。」
