欧倩怡遭妈咪嫌嘈？复出负评劲多曾勒令退网求清静罕谈与仔女分居关系：大家学习

更新时间：11:00 2026-10-10 HKT
发布时间：11:00 2026-10-10 HKT

郭晋安与欧倩怡（Cindy）在1999年因合作旅游特辑结缘，相恋7年后，于2006年在迪士尼乐园举行童话婚礼，婚后育有一子一女，本来一家四口幸福满满，不过这对曾被誉为娱乐圈「模范夫妻」在2024年5月突然在IG宣布结束18年婚姻，事件令不少人惊讶。回复单身后，欧倩怡积极自食其力并宣告重返幕前，不过欧倩怡疑因在多次访问上，她的言论惹来海量负评，欧倩怡曾称完全没有想过会招来这样的反应，试过躲在家中「喊足三日三夜」。

欧倩怡最难适应网民的评论

近期渐趋低调的欧倩怡接受陈志云的YouTube节目《Show Up》的访问，离开娱乐圈差不多18年的欧倩怡，她形容自己的复出是由火星重返地球：「我开始慢慢pick up返，原来而家系咁嘞，娱乐圈都转咗好多圈啊。所以我啱啱返返嚟幕前呢，都用咗大半年时间去了解啲社交媒体，有时问下啲相熟嘅朋友，又或者揾其他啲artist倾下偈。有啲真系唔识玩㖞。」不过复出后最难适应的地方，欧倩怡毫不犹豫地表示是网民的评论。

欧倩怡称以往只需面对主流媒体与狗仔队，只系需要回应这一班媒体朋友，但现在「人人都是自媒体」：「有啲KOL朋友话每一个message都要覆㗎，咁多message，有好又唔好，我点覆呢？原来点覆都系一个技巧。呢样嘢我仲学习紧。」欧倩怡称曾看过不少极为刻薄的留言，当中不乏针对其手脚、五官的人身攻击，甚至又有人疑个人品格，她坦言：「闹得最劲𠮶阵时我真系喊㗎，仲要加上我妈，即系自己好亲嘅屋企人，阿妈阿爸𠮶啲，佢哋梗系唔抵得自己个女畀人话㗎啦，通常又再觉得我『你做咩咁咁咁啊？』佢哋可能觉得我个人比较嘈，成日讲得多咗，变咗容易畀人揾位攻击。有一轮我妈严格要我取消晒所有嘅社交媒体嘅account，可能因为实在太多不同嘅声音，同埋可能我妈自己嘅社交圈子都有压力嘛。」欧倩怡承认这些声音与婚姻有关。

不经不觉，欧倩怡的大仔已经18岁，而且还去了英国留学，女儿则留在香港：「佢哋唔系同我住嘅，我哋喺weekend都会系会见面，一齐行街食吓嘢。初头对于呢个转变一定系好愕然，唔知发生咩事，始终系小朋友，但系而家明白每个人有每个人嘅选择，或者人生系点样拣，令到自己开心地生活，其实佢哋都OK嘅，即系只要开心，大家始终系一家人，互相支持，所以都OK嘅，我哋成日去旅行呀、食饭。佢哋知道我钟意做营养嘅嘢，喺电视𠮶度有分享，佢都好之前我有呢个理念。」对于婚姻的失败，欧倩怡被问有否影响对再婚的信心和憧憬？她说：「其实我觉得呢个系人生嘅一个经历，系需要烘焙同磨练，我嘅人生有呢个安排，咁我咪安然接受，继续由我嘅人生里面经历嘅每一件事呀，遇到嘅每一个人，大家去学习啰。对于婚姻点睇，我觉得要顺其自然，我完全冇谂过呢样嘢，啱啱喺6月头签咗新嘅经理人，做嘢先系喇，话晒我都去咗火星，冇做嘢十几二十年呢，咁我系想重新开始，事业重新出发。」至于感情状况，欧倩怡说：「都系互相了解嘅阶段，真系唔知㗎，呢个世界每一日都在变㗎嘛，靠自己喇。」