方力申买NFT几乎输身家 金额大到唔敢同老婆讲：成日想一铺发达 自爆买名表充大头鬼
发布时间：18:30 2026-10-13 HKT
被外界视为娱乐圈「隐形富豪」的方力申，其父亲是画廊老板兼艺术收藏家方毓仁。方力申自小在父亲薰陶下，于2005年开始涉足艺术名画收藏与交易，如今坐拥过百件珍藏艺术品；方爸爸更曾大爆儿子的藏品总值数千万元。再加上他手持市值近5,000万元的元朗首誉3,365平方呎独立洋房，身家早已估计破亿。
方力申买NFT输身家 瞒家人不敢坦白
近日方力申作客YouTube频道《巴打围炉》，大谈风光背后鲜为人知的低潮期。他在节目中自爆身家曾大幅缩水：「我买NFT就输好多钱，输嘅钱系唔敢同屋企人讲啦。我老婆日日都问我几多，几多位数啫，几多啫，我最多唔同奶奶讲啊。咁我都冇讲过，即系仲输得多过我以前买股票𠮶啲啊！」
相关阅读：方力申与叶萱为女儿搞豪华百日宴 雍容华贵外母首曝光 马主细佬极有型
方力申曾为撑场面豪买名表
方力申在节目中罕有地分享自己投资失利的惨痛经历，坦言疫情期间遇上经济低潮：「我最冇钱嘅时候，我买咗楼，然后又有疫情，又冇咩事做啦。跟住呢，第一次讲，我买NFT就输好多钱，我输嘅钱系唔敢同屋企人讲。我有一段时间系惊，我望住我户口剩返嘅钱，我有啲惊。而家我觉得我回咗啲气，冇咩事做嘅时候，反而我系使最多钱去买表。」
他笑言当时买表纯粹为「充撑场面」：「我买咗十几万、二十几万嘅表，但系你又唔太见我戴出嚟。我觉得可能你十次见到我戴一次，人哋就会觉得我好似捞得几好㖞。我睇网上面啲人话：『你系戴畀人睇，唔系你钟意嘅嘢，系你怕别人觉得你唔掂，所以戴畀人睇。』我睇到𠮶篇文章，发觉自己真系咁样。但系我系𠮶种好cheap嘅人，戴咗又怕整花。所以我觉得𠮶阵时出现咗自我怀疑，惊人哋睇到我冇嘢捞，喺我最唔掂嘅时候反而使最多钱；到环境好返啲，反而冇咩消费欲望。」
方力申改变心态学懂稳健储钱
经历过投资失利后，他认为现阶段首要是储蓄稳健资产：「始终有家庭，有太太同女，点都会稳阵啲。喺我事业唔系好掂嘅时候，譬如我有十蚊，我都照样使八、九蚊；你而家问我，其实我有十蚊，都只会使六蚊，走去其他地方，都未到屋企。不过买股票真系最唔好学我，我以前就系想一铺发达，所以我输就系输呢啲。」
相关阅读：方力申叶萱结婚丨44岁方力申住近5千万豪宅身家过亿 拥逾百件珍藏家底丰厚
方力申半亿豪宅逐格睇：
