代理：香港地「平楼大把」 港人买唔到楼唔系因为穷？ 近地铁又要静又要抵 经纪：边有100分嘅楼｜Juicy叮
发布时间：15:31 2026-10-24 HKT
香港人买唔到楼并非因为穷？有地产代理直指香港地「平楼大把」，准买家买唔到楼只因「谂得太完美」，妄想「又要地铁、又要静、又要平」，提醒置业时切记边有「100分嘅楼」。网民亦直言，买楼和择偶一样，必须早日认清现实，将价就货。详情见下图及下文：
代理：香港地「平楼大把」 港人买唔到楼唔系因为穷？ 近地铁又要静又要抵 经纪：边有100分嘅楼逐张睇↓↓↓↓
楼主：睇足几十个盘完美错过
楼主早前在社交平台Threads以「揾楼」为题上发帖，直言「讲句难听啲，好多人在香港买唔到楼，唔系因为穷，系因为『谂得太完美』」。
他指出，其实香港地「平楼大把」，最惨的揾楼经历不是拣错楼，而是睇了30、40个盘后，最后「完美地错过」。他无奈叹道，其实平楼确实大把，只是准买家们「又睇唔上眼」，劝喻大家应该「睇餸食饭做取舍，现实啲好」。
楼主列举揾楼客人的苛刻心态：「又要近地铁，又要静。又要楼龄新，又要呎价平。又要会所靓，又要管理费平。」
边有咁大只蛤乸随街跳
他点醒买家，预算有限，「世界边有咁大只蛤乸随街跳？预算得咁多，边有 100 分嘅楼？得 100 分嘅取舍咋！」
有网民随即对揾楼客的娇生惯养极度反感，痛斥很多买家根本是「连行路都嫌攰」：「十分钟内到地铁都话远，唔想行就知咩事啦。香港愈嚟愈多跛人，地铁上盖又买唔起。」
他强调，要地点就要忍受空间细，要面积大就要接受位置偏远；若想又大又新又近地铁，预算就要加多一倍，奉劝揾楼客「与其帮业主供楼供到老，不如早啲认清现实，先上车再换楼」。
网民：买楼择偶一模一样
贴文引来不少准买家讨论入市时的取舍心态。有网民指出，揾楼和择偶的道理其实完全相通：「唔止买楼，啲人择偶都系咁！睇配对页面就知，网上世界个个都 100 分，唔知佢哋现实生活系咪咁。」
亦有网民直言，买楼第一步是先认清自己的银包厚度，不要存有不切实际的幻想：「睇下自己银包先学人要乜乜乜啦，否则就要面对现实将价就货！」不少过来人认同，揾楼最重要是「计清计楚」，量力而为。
资料来源：onelaumind＠Threads
相关阅读：
天真一问？00后求教「以前肯挨实买到楼？」70/80后揭上车真实代价掀热议
月入过10万育两子一直无买楼！高薪港妈忧老来陷住屋死局 引网民争辩中产置业陷阱
夫家出首期买北都新楼 准新娘过海返工嫌远兼怕住近奶奶 网民教「一绝招」反客为主
