黄宇诗送《保育黄沾》有排睇谷德昭多谢沾叔塞钱入佢袋

更新时间：18:35 2021-08-26 HKT
发布时间：02:00 2021-08-27 HKT

黄宇诗拍咗段拆盒短片。

谷德昭喺IG上载咗一套五册的《保育黄沾》，佢多谢沾叔囡囡黄宇诗自掏腰包送赠，会珍而重之有排读。究竟咩系《保育黄沾》? 沾叔自04年离世后，一班学者启动「黄沾书房」计划，花16年时间搜集黄沾历年的专栏文章、学术论文、手稿、乐谱、传真、信件等珍贵文献，用黄沾留下的材料，探究黄沾行过的路。一套五册限量1500套，盒内有黄沾曲谱原稿复制本3张、收藏编号卡，售完即止，绝不加印！

谷德昭多年前曾举行「沟通能力即时增值」讲座请咗沾叔做嘉宾。

收到厚礼令谷德昭谂起沾叔，「记起好多年前有一日沾叔无端端同我讲：『肥仔，你银行要有预咗两年冇收入嘅储备，呢个世界话唔埋…』，当年的我芳华正茂 😄 ，推 job 多过接 job，觉得沾叔都有啲冇解讲啲咁嘢…今天就完全明白，好彩受教，疫情呢两年先冇咁徬徨，多谢沾叔。」

另外，谷德昭又上载咗沾叔亲笔创作的十四字诀，有上款德昭，下款沾叔写于1999年，非常珍贵。