大埔14年最強老店「八妹雞煲」結業！半隻雞曾賣$100有找 熟客歎︰當年雄霸天下 惟街坊狠批執笠唔意外…
發佈時間：13:23 2026-10-15 HKT
本港餐飲業近年面對不少挑戰，不少地區老店相繼結業，往往引發街坊無限感慨。近日，有大埔街坊在社交平台發文，表示發現區內開業14年的知名食店「八妹雞煲」貼出結業告示，宣布將於11月6日正式結業。熟客對此深感惋惜，感嘆店家曾經於大埔「雄霸天下」，事件亦引起了廣泛關注，網民及街坊對該店結業反應兩極。
大埔八妹雞煲11月結業！開業14年 街坊稱曾於區內「雄霸天下」
日前有網民在facebook群組「大埔人大埔谷」內，以「大埔又少咗一間陪伴我們成長的老店了」為題發文，並上傳了一張食肆「八妹雞煲」門外張貼的手寫「結業啟事」照片，指該店在大埔區經營長達14年，曾被不少食客譽為區內最好味的雞煲，是不少大埔人聚餐的熱門地點。
八妹雞煲團隊在結業公告上向表示，「由於租約期滿，本店將於2026年11月6日凌晨2時正後正式結業」，並向感謝顧客過去14年來的支持，深感榮幸，最後更呼籲食客「在這段最後的日子裡，歡迎大家再次光臨與我們好好道別」，祝願街坊「身體健康，生活愉快，江湖再見」。
熟客不捨憶當年風光 即炸響鈴「無得頂」
結業消息傳出後，隨即引起熱烈討論，惟街坊及網民的反應呈兩極化。一方面，不少熟客對老店結業感到惋惜，紛紛回憶當年的風光與美味，「想當年，如果你喺大埔想食雞煲，佢真係雄霸天下」、「曾經好好食，即炸響鈴無得頂」、「佢乾身得嚟又夠香辣，其實係幾正」。亦有老街坊感嘆時光飛逝，「原來已經14年，睇住佢開張，果陣100蚊有找半隻雞外賣，返屋企煮個白飯做晚餐」。
細舖搬大舖後質素跌 網民︰個價都幾狼死
另一方面，亦有不少街坊對結業表示「其實唔意外」，直指店家自從「細舖搬大舖」後質素轉差且收費貴，批評「大間咗又難食咗又貴咗…做返小本經營咪好囉」、「好生意先搬去大舖，搬咗大舖就做唔住」，更舉例指「食雞煲收醬料費再加一，仲要話唔用都要收錢，點支持得落」，直指「愈來愈唔抵食」、「佢個價都幾狼死」。
不過對於價格爭議，有熟客就為店家平反，認為「大埔好多舖頭貴過佢啦，至少佢真係好好食，佢有呢個質素就唔係貴，係市價」；但亦有人無奈指出「係好食，不過都真係貴，所以街坊未必做到成日幫襯，可能啲人一年逢大時大節或者生日先食，圍唔到皮」，或許成為店家結業原因。
延伸閱讀︰荃灣40年燒味老店「聯發燒臘飯麵家」結業！熟客嘆可惜 惟街坊這原因唔撐…
