公屋鄰居失業長開大門狂食煙 幼童飽受二手煙轟炸被迫戴口罩 網民獻計用「一神器」完美反擊｜Juicy叮
發佈時間：16:00 2026-08-16 HKT
有公屋居民近日發文，抱怨對面鄰居自失業後，每天長開大門瘋狂抽煙，令全家飽受二手煙轟炸，兩名幼童甚至「出入都要戴口罩同唔唞氣」。更無奈的是，家人懼遭報復，寧願啞忍也不敢投訴。網民對此深表同情，更有過來人留言獻計，提議使用「一神器」進行完美反擊。詳情見下圖及下文：
公屋鄰居失業長開大門狂食煙 幼童飽受二手煙轟炸被迫戴口罩 網民獻計用「一神器」完美反擊逐張睇↓↓↓↓
樓主：日日打開道門狂食煙
樓主昨天（15日）在社交平台Threads以「二手煙」為題發帖求救：「我住公屋，屋企對面嗰個男人自從冇嘢做之後，就每一日將個煙灰缸攝喺個門罅度頂住道門，跟住就日日打開道門狂食煙。」
樓主指，鄰居以往做地盤常開工，問題不大，但自他失業長留家中後，煙味經常飄入屋，令全家非常難受。
最令樓主心痛的是，家中兩名幼童為避二手煙，每次出入都要戴口罩及「唔唞氣」。樓主曾提議向管理處投訴，卻遭家人強烈反對：「屋企人就反對，費事麻煩，唔想搞到人哋掉屎屙尿就麻煩。」
為了自救，樓主出動空氣清新機、香薰機甚至封門縫，但效果甚微，苦嘆：「除咗空氣清新機，香薰機，封門之外，仲有咩辦法可以做？」
網民獻物理反擊法
網民直斥涉事鄰居自私，並提供多個解決方案。當中以「物理防禦」最受推崇，不少人建議：「門邊搵海綿條攝」、「攞風扇吹返出去」、「開風扇對住門口吹」、「唯有裝個風扇吹返畀佢」。
更有人點名推薦不同法寶：「你睇下門縫風扇，吹返去」、「買部蝸牛扇向走廊吹，OK 靜但夠風力，希望幫到你💪💪💪」、「又或者藥油攻勢」。
此外，有人提議「先禮後兵」寫紙貼門口，或採取極端手段如「日日打爆消防警報鐘」、「申請調遷」。甚至有網民想出奇招，提議以其人之道還治其人之身：「你在門口播殯儀啲打（嗩吶），等佢提早聽！」
面對網民五花八門的熱心獻計，樓主卻坦言礙於家人怕事，不敢輕舉妄動：「我屋企人唔畀我做呢啲，點知對面嗰條友會唔會傻？」
針對樓主家人的退縮心態，有網民警告：「搬。無得搞。你屋企人咁怕麻煩，小朋友長時間吸二手煙，之後有乜嘢事都無人會處理，除咗你。」
過來人：3個月睇5次專科
另有網民留下長文，訴說被鄰居「怪味與霉菌」折磨的慘況：「我對面唔係煙味，係怪味、霉味、噏味、油煙味、飯餸味，同埋佢對門發霉，吹過嚟嘅霉菌孢子，總之有菌😫。3個月睇咗5次醫生，要睇專科先搞得掂！」
該網民曾向多方面求助，但過程一波三折，各部門能做的有限。最後只能無奈靠自己：「空氣清新機、香薰機，門縫封咗少少，鐵閘封咗透明膠片，聞到有味關抽氣扇。」
資料來源：edanbirdc＠Threads
相關閱讀：
大埔公屋戶食煙燻臭走廊 鄰居硬食二手煙忍無可忍 鐵閘貼粗口大字報鬧爆 網民憑一細節猜出苦主年紀
公屋廁所狂湧鄰居煙味 樓主求助慘被叫搬屋 最終靠「一神物」成功自救
家居鐵閘被放神秘煙頭 公屋戶疑神疑鬼憂竊賊踩線 網民提醒要留意門外一「異象」
