港女葵涌迷路遭大叔尾隨入後巷 亮出呢樣嘢求借$100搭的士 網民踢爆「呃足幾十年」黑歷史｜Juicy叮
發佈時間：16:00 2026-09-20 HKT
一名女子近日於葵涌工業區迷路期間，遭一名大叔尾隨入後巷，對方乘機亮出「呢樣嘢」求借 $100 搭的士。
事主機警拒絕並在網上公開驚魂記，心明眼亮的網民即化身偵探，戳破這名「借錢黨」大叔的「3大致命破綻」；網民更爆出該名大叔原來在區內「呃足幾十年」的驚人黑歷史。詳情見下圖及下文：
港女葵涌迷路遭大叔尾隨入後巷 亮出呢樣嘢求借$100搭的士 網民踢爆「呃足幾十年」黑歷史逐張睇↓↓↓↓
迷路遭尾隨入後巷 機警對峙
樓主早前在社交平台 Threads發帖，透露在葵涌「買完二手書出嚟，唔係好記得點樣行返去車站，喺工業區裏面少少蕩失路」。
期間她發現後面有個大叔一直行在其斜後方，起初以為對方是行同一條路便沒有理會，但她「兜咗入一個工業中心嘅後巷咁上下嘅地方」，對方竟然「又一齊兜入嚟」。
為了試探對方，樓主特意放慢腳步，結果大叔「又一齊放慢腳步」，令她斷定對方「一定係跟住我」。
樓主隨即直接轉身望向他，大叔一見被望，即刻展示一張身份證出來，口噏噏表示：「我個女入咗瑪嘉烈（醫院），我無帶電話同銀包，可唔可以借 $100 畀我搭的士，聽日還返畀你。」
樓主指對方雖然極力強調「唔係呀係真㗎」，但「把聲完全唔緊張」。樓主並察覺到極大破綻，直指對方「咩都冇帶，但係零零舍舍帶一張身份證出嚟實在太可疑」，於是果斷拒絕並離開。
樓主事後回想，估計阿叔「應該喺後面跟咗我兩三分鐘，見我搵緊路知道我唔熟呢邊」。
網民戳破3大破綻：佢個女住咗幾十年？
精明的網民加入聲討行列，戳破大叔口中所謂急事的3大漏洞。首先，有網民指出第一大破綻在於「零零舍舍只帶身份證」，急出門卻唯獨記得帶身份證，行為最可疑。
其次，第二大破綻是車資完全對不上，由大連排去瑪嘉烈醫院最多只需 $50，而且「搭 46X（巴士）先 $6.7 就到瑪嘉烈，借乜鬼 $100，真心呃錢乞兒」。
至於第三大破綻，則是探病時間未到，網民指出，醫院「5點先夠鐘探病」，根本不需要急著搭的士，建議樓主「叫佢慢慢行去醫院」。樓主隨即搞笑回應指，如果這樣安排，大叔「行過去仲可以坐低食個飯」。
帖文還引來大批街坊爆料，指該名大叔根本是慣犯：「呃人呃咗幾年，佢都搵過我，我冇理佢。」
更有網民諷刺：「佢個女喺瑪嘉烈幾十年，佢都問人借咗幾十年！」亦有街坊表示：「喺華星街遇過佢好耐」、「20年前遇過，佢喊晒口話無錢搭車返屋企。」樓主看後不禁大嘆：「睇嚟佢都問熟晒，唔怪得鎖定我！」
苦主現身認戇居：只怪對方演技太好
不過，並非每個人都能像樓主般機警，有曾經上當的苦主悔恨表示自己當初因為見對方好焦急，一時心軟「畀咗百幾蚊佢，諗返起都覺得自己戇居」。
樓主見狀則溫馨安慰指，這絕對不是受害者愚蠢：「唔係你戇居，佢當時交到演技畀你啫！咁啱佢今日語氣平淡到好似講緊人哋個女咁，所以我就起疑。」
有網民則分析，這班「借錢黨」極有分寸，「可能見你後生，先搵你落手，都係唔理佢，走人好過」。
有過來人更分享對付這類無賴的方法，直言一律「直接叫佢收Ｘ，再唔係就話幫佢報警，跟住佢就會自己走」。
釣出深水埗輪椅「醫學奇蹟」
另有網民分享，自己曾於深水埗等過馬路時，遇到一名輪椅人士問路稱想去將軍澳，當他回答「唔知路」後，對方竟順勢要求「無錢搭車，叫我幫佢入八達通」。
當時該名網民剛好腳部受傷、正拄著拐杖，於是靈機一轉回應：「咁我幫你報警啦，警察會車你返去。」結果最荒謬的一幕出現了，該名本來「行動不便」的輪椅人士，聽到要報警後竟然「走得快過我（我係整親腳揸住拐杖）」，令樓主看後也忍不住爆笑大讚這簡直是「醫學奇蹟」！
資料來源：_meowooooo_＠Threads
相關閱讀：
借錢黨荃灣活躍 長髮女憑一可憐理由 周街借錢搭車回家 問完又問有街坊「連中兩元」
「借錢黨」變搶錢賊 4「遊客」借錢不遂葵涌廣場對出疑強搶港男50元 猖狂細節嚇壞網民
「借錢黨」拖兩女殺入青衣屋邨 周街向長者攞$100買蕃茄 網民怒爆詳細行蹤警世
