算命師爆20年來首現「零生意」 點名罪魁禍首掀爭議 網民反問：算到自己有今日嗎？｜Juicy叮

生成式人工智能（AI）席捲全球，各大行業無一倖免面臨顛覆，一名自稱入行約二十年的資深算命師傅匿名在網絡發文，大嘆其在港業務門可羅雀，更將矛頭直指越來越多人轉投免費AI懷抱，苦勸大眾切勿為了節省「少少 $3000」而誤信不準確的電腦推算，不料帖文一出即引發爭議，大批網民非但未有給予同情，反而一面倒留言質疑其不知民間疾苦，甚至以各種親身實測AI算命的經驗狠狠打臉，成為網絡熱門話題。

算命師：20年來未試過「零客」 歸咎「AI算命」搶客

該名算命師傅在帖文中坦言，自己於玄學命理界打滾約二十載，從未遇過如此慘淡的市道，直指「做算命師傅都已經做咗大約20年，都未見過而家嘅經濟咁差。不但冇客人嚟算命，冇客人嚟睇風水」。眼見生意一落千丈，樓主將元兇歸咎於科技普及，無奈指出「好多而家都話用AI嚟箅命，係好唔準確㗎」，並意圖說服潛在客人回心轉意，呼籲「少少$3000呢啲錢就唔好再慳啦」。

「少少三千蚊」論點火頭 網民怒轟不知民間疾苦

樓主帖文中那句「少少$3000呢啲錢就唔好再慳啦」，瞬間成為引爆網民爭議的導火線，不少網民直斥三千元對基層大眾而言絕非小數目，紛紛留言反諷「三千蚊係好多錢」、「3000夠食1個月啦仲算命」、「$3000留返嚟買餸好過」，有網民更調侃三千元已經足夠買來回東京機票或享受多頓大餐，形容找師傅算命如同周星馳電影對白「真係達聞西話齋,攞你命3千」。

除了消費門檻問題，有網民語帶譏諷地指出，既然雙方都無法保證百分之百準確，市民自然選擇零成本渠道，直言「點解唔搵AI？起碼免費。3000食到好多好嘢啦」、「可以慳返成年AI訂閱費了」。部分極端網民甚至質疑算命的準確程度：「找算命佬，俾完$3000，最準係成9咗隻水魚」，有網民質疑傳統玄學收費脫離現實，認為「9up幾句就3000」完全是過度溢價，更有網民直指「收300便算啦！搶錢」。

網民神回：「算唔算到自己有今日？」

面對師傅的悲情哭訴，網民最普遍且最具殺傷力的反擊，莫過於質疑其算命實力究竟能否預知自身命運，大量留言湧入質疑樓主的道行：「算唔算到自己有今日呢？算唔到的話，好明顯你啲料子......」、「算唔算到自己咁慘？算唔算到經濟咁差？算唔到就收皮做保安啦垃圾」、「自己都算唔到自己」、「如果準的話，你算唔算到自己幾時要轉行？」、「你連自己都算唔到，仲要收錢算人」。

有網民亦搬出經典悖論，直言如果師傅真有通天本領，大可替自己趨吉避凶發大財，何須為三千元生計在網上訴苦：「你如果係咁叻算下六合彩開咩號碼好過啦」、「你有料，就唔使幫人算命啦，所以我從來唔會花一蚊去做算命依啲事」、「你跟ai各選六合彩7組號碼，看看誰準」，有網民甚至指出玄學界的殘酷規律，認為名氣大、靈驗的師傅在逆市中依然客似雲來，反問「正常做算命師傅呢，個市越差就越好生意，有無諗過唔關AI事？人哋覺得你唔準，否則正常一年總有幾個番嚟搵你大批」。

實測AI睇風水睇相 網民力撐：唔單止準仲有情緒價值

這場論戰的核心焦點，很快從純粹的嘲諷演變為一場「傳統玄學 vs 科技算命」的大盤點，不少緊貼科技趨勢的網民現身說法，分享自己利用主流 AI工具進行八字推算、看風水甚至面相手相的成功案例，引來廣泛討論。

有網民力證AI在分析客觀規律及提供心理支持上更勝真人，分享道：「其實AI識落指令都好準，我自己試過過去嘅事都推算得好中，仲有埋情緒價值俾我」，引來其他人共鳴附和，指出與真人師傅交流往往容易受氣，反觀向AI請教則完全沒有壓力：「只要個盤啱就OK，同埋可以不停咁問同埋可以問點解，如果睇八字問多兩句黑面」、「問ai，仲可以即時小佢，但問一般睇相佬仲要怕得罪人」。

有商界用家更分享以AI代替風水師的真實經歷，痛陳過往被真人師傅當作「水魚」宰割：「我之前搵過幾個風水佬幫我公司同屋企睇風水，再要我幫佢買所謂嘅風水擺設，前前後後洗咗幾皮嘢。而家我用AI睇風水，俾晒平面圖方位同埋相片佢，跟佢建議去做，生意仲好過之前好多」，甚至爆料有師傅在退回擺設時訛稱「開咗光」索取額外處理費，大呼科技解放了消費者。

有網民亦分享進階玩法，表示上載相片叫AI「以傳統面相學理論指引去分析張相既人既性格行為」，結果「講中咗相中人性格行為8-9成」。更有網民留下幽默絕句，稱「我岩岩用ai算命，佢話我今日會遇到個神棍算命佬呃我3千蚊，勸我小心防範，之後上網就見到你個post，ai算命其實都幾準丫」。

樓主反擊：「AI只講你想聽嘅嘢」

面對排山倒海的質疑與科技算命擁躉的圍攻，樓主亦忍不住在留言區開腔還擊，針對「AI 算命好過真人」的說法提出抗辯，直言「或者咁講啦Ai講佢想聽嘅嘢」，認為AI的運作機制本質上只是在迎合用家的對話紀錄與心理預期，一味「賣口乖」講好說話，缺乏真正依循命理理論推算的客觀硬實力。

部分對玄學有一定研究的理性網民亦讚同此觀點，指出利用AI排盤與論命絕非毫無門檻，關鍵在於發問者的功底：「其實用AI算命係準，但大前提係自己都要對八字起碼有基礎知識，先知佢排盤同講啲理論啱唔啱，先識得反證。如果唔識嘅人用AI算命，就會算錯咗都唔知而誤信」、「有時ai連個盤都排錯，如果自己吾識真係一子錯滿盤簡錯，所以首先係個八字唔好錯」。

來源：裁員炒人消息關注組facebook

延伸閱讀：網民實測靠免費Gemini買「膽拖」真中獎 教一招神級提問增命中率 附高手AI指令