信錯阿媽代儲錢結婚呃足10年 港女驚揭30萬存款根本唔存在 母親理直氣壯咁樣解釋……｜Juicy叮
發佈時間：15:38 2026-10-22 HKT
信錯阿媽幫手儲錢，10年「結婚基金」竟一夜蒸發？一名港女自爆22歲起每月畀阿媽2000、3000元代儲，日前查數時才驚揭30萬「存款」根本唔存在，母親竟理直氣壯咁樣解釋......詳情見下圖及下文：
逐信錯阿媽代儲錢結婚呃足10年 港女驚揭30萬存款根本唔存在 母親理直氣壯咁樣解釋……逐張睇↓↓↓↓
諗住轉MPF順便問 揭簿揭好耐驚爆「冇儲到」
樓主昨天（21日）在社交平台 Threads發帖，痛心自爆：「我22歲第一份工開始，每個月畀佢兩千，佢話幫我儲起，將來結婚用。我畀咗10年，中間加過幾次，有時3000，有時2500。我冇計過總數，因為我覺得嗰個係我阿媽。」
直到上個月，樓主因考慮轉 MPF（強積金），問起這筆錢的進度。阿媽聽後著她等一等，轉身「揭咗好耐」，最後竟輕描淡寫說：「其實冇儲到。」
樓主追問之下，阿媽才坦言：「啲錢都用咗喺屋企。細佬嘅學費、屋企嘅維修、有一年我爸入院。」阿媽講得極為輕描淡寫，更理直氣壯表示：「反正你住屋企，又唔使畀家用，啲錢就當補貼。」令樓主整個人呆坐原地，很久都說不出話。
誠信問題 vs 理直氣壯？
事件中，不少網民力撐樓主，直指問題核心在於欺騙與誠信，而非金額多少。
有網民不解表示，點解好似冇人明白樓主想講乜，直指樓主根本不是在意嗰2000、3000元，而是在意阿媽點解要講大話，講完之後還要覺得自己非常有道理，質疑是不是一日不主動問，阿媽都打算繼續呃落去。
該網民更唏噓表示，呃人的人竟然是自己老母，相信樓主阿媽當初如果直接開口要收家用，就算幾唔想畀都冇而家咁難受，大嘆呃完人講句 sorry（對不起）真的不是那麼難。
白食白住？ 網民開火狠批
然而，有更多網民批評樓主缺乏自覺、不知人間疾苦，直斥是「白食白住白眼狼」。
有網民反問樓主，出嚟做嘢一開始又有無自覺話要畀家用，定是大安旨意一蚊都唔畀，在屋企白食白住，質疑樓主覺得阿媽呃人之前，有沒有先反省一下自己是不是啱晒。
另有網民直言，儲錢應該自己儲，不明白樓主為何要放在人哋那裏，更反問莫非出嚟做嘢10年當中，仍諗住係阿媽養起自己，認為畀家用是天經地義。
甚至有網民狠批，樓主如果跟阿媽計，阿媽同返樓主計開銷，肯定最後是樓主嘔凸，直言阿媽本來是諗住女兒都出社會10年了，應該都大個女，不應該還如此天真，甚至直斥如果阿媽是無恥，那樓主就是「無恥之恥、恥中之極品」。
資料來源：queeniescibek023399＠Threads
相關閱讀：
月俾15K家用竟被鬧「施捨」？港女揭父母真實收入 網民嚇窒：當個女係ATM
抱怨阿媽獅子開大口收家用 網上流傳按月薪百份比上繳 網民因一事反對轟不公平
