尹天照经历生死悟人生叹香港揾钱唔多使得辛苦北上生活无压力：两支针平过香港四千

更新时间：09:00 2026-10-25 HKT
发布时间：09:00 2026-10-25 HKT

「亚视一哥」尹天照在90年代凭借亚视神剧《我和僵尸有个约会》中「况天佑」一角而红遍中港台，攀上事业巅峰。尹天照在1999年与圈外太太 Teresa 结婚，不过在2011年Teresa不幸罹患血癌，尹天照为了照顾太太，毅然推掉大部分演艺工作，全心全意照顾妻子，但当时有指他亦因为亦太担心出现类风湿痛症，工作减少再加上医疗、生活等支出庞大，收入一度归零。

尹天照叹香港揾钱揾得好辛苦

不过尹天照未有改变想法，甚至曾跪地祈祷求上帝以命换妻健康。在不离不弃的照顾下，太太最终奇迹康复，而走过生死关头的尹天照亦因信仰改变人生观。近年尹天照有限度复出，主力在内地拍摄网络电影及商演主。日前尹天照接受资深传媒人汪曼玲的Youtube的访问，移居内地多时的尹天照有意在内地置业：「香港真系好惨，我哋揾钱揾得好辛苦，又唔系话揾好多，但系我哋洗费好大，而家睇到好多香港人，都移居去内地，开开心心，食得好、住得好，人冇压力，健康就自然好。」

尹天照多年来饱受类风湿痛症的困扰

尹天照多年来饱受类风湿痛症的困扰：「类风湿唔会死人，但系系一种折磨，我试过痛到起初连拎被子都拎唔到，要用第二只手拎。跟住我睇医生，药又贵，开咗药要咁咁咁又要打针咁，跟住医生叫一定要运动，我咪话朝早去做游水，两千公尺、40个塘，之后返去做健身，两、三个钟头，因为我有类风湿，所以更加要唔好畀佢控制我。」最后尹天照真是成功了：「冇人知我有类风湿，但系因为有咗这个类风湿，我先知道当年我大哥系几辛苦。我大哥系是类风湿走咗，因为去到身体最差𠮶阵，系会有其他并发症。」现时尹天照与太太在番禺买了间屋，生活在平静之中：「其实做人年又有多个几十年，喺呢个时间，只要自己有钱的，我个人认为应该两公婆开开心心，去玩埋下半生。我本身乜都冇，;物业全部都系写畀佢，除咗系内地𠮶层。我觉得名份真系唔重要，就算离婚都要分一半畀佢，我信我太太，我太太信我，我觉得冇嘢比信更加重要。」

尹天照计划卖埋香港层楼定居番禺

尹天照与Teresa经历了16年爱情长跑于1999年才结婚，多年来二人未有仔女，尹天照直言因为惊：「惊冇养，如果当其时，我哋真系生bb，冇几耐就病，咁真系好大镬了，呢个病要使好多钱，仲点供书教学？老老实实，我觉得人生里面，我哋嚟到呢个世界日子唔系好长，而家都50几、60，系咪应该开开心心，我连𠮶啲朋友，觉得你系好朋友就大家在一齐。唔系好朋友就算了，无谓讲咁多，我觉得生命其实真系好短暂。」不过尹天照表示太太曾经有过想生仔的念头：「但系𠮶阵环境同埋𠮶个时间都唔系适当嘅时间，结果咁样。我觉得人生好多嘢都系安排好，宇宙咁大，地球咁多人，最紧要系喺我有生之年，两个人，开开心心就够。」尹天照忆述太太患病时，花了逾百万医病：「我太太有买保险，但系有乜嘢重要得过生命？我而家想卖埋香港呢层楼，大家开开心心喺番禺，香港租层楼。我试过同朋友睇楼，四间房、一个大厅，三个厕所仲两个大露台，只不过系350万，我心谂喺香港车位都200几万，我买咗个车位，补多100万入嚟，我就可以有咁大。」但还有一样最重要是覆诊问题：「我哋都要覆诊，而家密谋返内地覆诊。我啱啱喺覆完诊，本来有啲针佢哋系冇，但系都帮我揾到，仲要平过香港，讲紧两支针平过香港三、四千蚊。」