玫瑰战争丨陈展鹏自嘲生仔有啲自卑 被长辈搭膊头叫「加油」几年 傅嘉莉恨做妈妈加快人生计划
发布时间：08:00 2026-11-10 HKT
陈展鹏与傅嘉莉及陈桢怡在台庆剧《玫瑰战争》中均有感情关系，陈展鹏笑指两女可能是喜欢他的钱，揾真爱好难，不过坦言今次傅嘉莉「升呢」，因两人拍《张保仔》时对方是做妹仔，今次就做他的老婆，傅嘉莉即问他「咁你想唔想？」展鹏说：「冇话想唔想，角色空间就系咁阔，真实梗系唔好啦，好烦，一个够！」
陈展鹏想突破纯情形象
他又表示要多谢佳导(钟澍佳)，因为很想突破多年让观众有刺激感：「多年嚟都系留意我嘅家庭，大家都想睇下我有三角恋或婚外情又会点呢？唔好咁纯啦，（会唔会变渣男？睇到想打你？）咁又唔会，我有钱呀嘛，有钱就唔系渣男，有少少分别嘅。」
陈桢怡拍床照戏
问到两女是否有在戏中色诱展鹏？陈桢怡就大卖关子表示未去到色诱：「但有床上嘢，有少少相。（床照？）差唔多，好近！」展鹏亦大赞陈桢怡今次角色立体很多，有突破，自己跟两女也夹了很多。
傅嘉莉角色讲生仔贴近自己年龄
而傅嘉莉这次的角色情感上多起伏，也很难演，傅嘉莉就感激钟澍佳让她重遇展鹏：「佢真系睇住我成长，所以对住佢都有少少压力，希望演技真系可以拍得上视帝。」又指自己虽然在剧中没有床上戏及靓跑车坐，不过就多了人生要面对的事情，如生仔：「会有啲被迫打针生小朋友嘅戏，同埋原来生唔到小朋友喺屋企系会企唔稳。」因角色贴近自己年龄也令41岁傅嘉莉思考自己，究竟应该天然或是靠其他方法怀孕？或者不育是否影响婚姻？
傅嘉莉认感情生活开心
她坦言想生仔，发现这是自己想要努力去做的事情，又指会加快自己的人生计划：「好努力中，（有冇人陪你努力？）er…系啰！我都希望会慢慢公布，（有男朋友？感情生活开心？）都开心嘅！」记者提议她可以找展鹏取经，展鹏即表示没问题，他有经验可随时找他，自己跟公司很多男演员都有很多经验，但认为最重要的是自己能迁就时间及舒服，因结婚始终是两人的事！」
陈展鹏谈生仔压力
展鹏又自爆近年被很多人搭膊头叫加油：「好似我唔得咁，但开心嘅，但最紧要就自己时间，（生仔方面有压力？）压力就冇，但觉得有啲自卑，觉得自己唔系好掂咁，成日啲uncle auntie过嚟搭膊头，搭咗几年都系搭我，不过开心嘅，大家都想祝福，一个家庭越多成员越好，大家有多啲喜悦，喜事好紧要！所以我期待呢个安排。」
傅嘉莉怕与女仔打交弄伤对方
另外，傅嘉莉在剧中跟陈桢怡会有口角及推撞戏，更会跟陈自瑶打交和争执，她指也会很惊跟女仔拍这些戏，很怕会弄伤对方。
