钟慧冰神隐半年终上水自感「时间无多」爆焦虑急卖光金器断舍离：怕睡梦中走咗

更新时间：14:30 2026-10-22 HKT
发布时间：14:30 2026-10-22 HKT

1979年香港小姐季军钟慧冰今年年初因子宫肌瘤尺寸在两年内倍增，存在癌变风险，在医生建议下接受了子宫切除手术。虽然当日手术相当成功，不过钟慧冰突然消失于人前，亦未有再更新她的YouTube频道《冰姐的花样人生》。神隐近半年的钟慧冰今日（22日）终于现身报平安，亲自解释突然「消失」的原因。

钟慧冰休养期间精神变得不快乐

在影片中，钟慧冰表示休养期间虽然身体没有大碍，但精神上却变得不快乐：「由今年年头到而家，不停咁收到一啲好不幸嘅消息。虽然生活咗咁多年，其实都好明白，人生生老病死系必经。但当你面临咁多人（离世），你知唔知喺𠮶段大半年嘅时间，我差唔多每一个礼拜都会收到一个唔好嘅消息，令到我心情好低落。」

钟慧冰对生死有深刻反思与焦虑

钟慧冰坦言，因身边不少亲人、挚友与演艺界前辈接连离世，令她对人生与生死有了深刻的反思与焦虑：「呢啲问题令到我心情唔系好安乐，引起咗好多焦虑，亦都令我开始反思。我谂人生就系咁嘅，因为我自己都踏入咗晚年生活。可能系物伤其类啦，见到人哋咁，于是我就开始同自己讲：『咦，系咪好快都轮到我呢？系咪我嘅时间都差唔多呢？』然后因为好多本来应该做嘅嘢又冇做到，留低好多遗憾。于是我突然间发觉自己好多嘢需要处理，因为我唔希望真系有日，无端端或者喺睡梦中走咗，跟住发觉原来好多嘢系未做嘅。」

结果，钟慧冰开始采取了多个行动：「我去处理咗好多私人事，包括我嘅财务问题。首先就系将我屋企啲金器卖晒，好彩卖得好好嘅价钱。因为我唔想咁多呢啲嘢摆喺屋企，或者收埋咗唔知摆边度。另外譬如我啲银行卡，大部分信用卡都唔要啦，留返两张就够，因为我想个人越简单越好。我又进行咗一次好大型嘅家居翻新工程，因为我觉得自己晚年喺屋企嘅时间好长，想送一份礼物畀自己。呢份礼物就系用嚟迎接我未来70岁以后嘅日子，我希望环境可以令我舒服啲、开心啲。基本上呢几个月我主要就系忙紧呢啲事。因为有情绪问题，加上屋企装修，中间又拍咗部电视剧，所以做唔到YouTuber。当情绪唔系好稳定嘅时候，其实好难同大平心静气咁倾偈，甚至去进行访问。」

钟慧冰终于排解焦虑

幸好休息了一段时间后，钟慧冰终于排解了焦虑，情况好转并再次现身。钟慧冰透露，她本来与资深演员梁珊有一个合作计划，打算寻找一些左派艺人和幕后工作者进行访问：「佢（梁珊）好兴致勃勃，我话我去负责联络团队，试下揾钱去制作呢啲影人历史，我哋一直都有通电话联络。但到咗今年年头，我自己要做手术，就同佢讲我呢排都好唔舒服，要唞一排先。点知唞完冇耐，就收到消息话佢已经离开咗。当日我收到佢个仔嘅WhatsApp，话妈妈已经走咗，我觉得好突然。当然佢都好高寿，但我都觉得系一个好大嘅遗憾。突然间发觉，原来好多嘢讲咗要做就要做，如果唔系有时就会变得太迟。」

好友相继离世令钟慧冰情绪波动

除了梁珊之外，King Sir（钟景辉）与世长辞，亦令钟慧冰感到很遗憾，而最令她情绪波动的，还与两位朋友有关：「我谂令到我情绪特别唔舒服嘅，亦都同两个朋友有关系。一个系吴文忻，一个系陈敏儿。坦白讲，我同佢哋两个都唔系深交，但系我哋有缘。由上年开始一齐喺冥想班做同学，所以差唔多每个礼拜都见到佢哋，一齐学习冥想。突然间听到一个走咗，另外一个又走咗，一个一个咁离开，令到我突然间觉得好焦虑、好唔舒服。我觉得需要时间令自己心情平伏，同埋开始觉得要处理好临走前应该处理嘅问题。至于点解我呢几个月又可以走出焦虑，好开心咁行返出嚟？就系因为喺呢几个月里面，有朋友介绍我认识咗一位气功师。呢位气功师教咗我一个好好嘅方法，就系学点样去晒太阳。原来晒太阳真系可以令我嘅情绪更加快乐、更加开心、更加平稳。」